Pse ua la seen?!

Takimet e para gjithmonë na shqetësojnë dhe na nervozojnë. Kjo sepse ato mbahen si më të vështirat. Mbi të gjitha, njerëzit janë gjithmonë në majë të gishtave për të bërë një përshtypje të mirë për të shmangur çdo lloj gabimi. Takimi me dikë për herë të parë, me synimin për të gjetur një partner të mundshëm tek ai /ajo mund t’ju bëjë të pyesni se çfarë duhet të ndiejë ai /ajo për ju.

Duke qenë një grua, mund të jeni të etura të dini se çfarë ndjeu ai për ju në takimin e parë. E mbi të gjitha, nëse është i interesuar për një takim të dytë. Nëse e keni ndjerë që ai nuk ishte i lumtur që nga takimi i parë dhe nuk po tregon ndonjë shenjë që ju konsideron si një partner të mirë, atëherë kjo mund të jetë sepse ai nuk dëshiron të vazhdojë më tutje.

Për të qenë të sigurt për ndjenjat dhe mos interesimin e tij për të shkuar në një takim të dytë me ju, ja disa shenja.

Ai i dha fund takimit shumë herët

Nëse keni kaluar jo më shumë se 30-40 minuta së bashku dhe e keni gjetur duke u përpjekur ta përfundoni takimin shumë shpejt, atëherë ky mund të jetë një flamur i kuq. Edhe nëse u përpoqët të vazhdonit për pak më shumë dhe ai të provonte ndryshe atëherë mund të ndodhë sepse nuk dukej se ishte ajo që ai priste. Si rezultat, ai më së paku do të dëshironte të shkonte në një takim të dytë me ju.

Ai nuk e përmend një takim të dytë

Mos përmendja e ndonjë takimi të dytë të mundshëm është në vetvete një tjetër shenjë treguese se nuk është i interesuar për ju. Njerëzit shpesh kërkojnë të shkojnë në një takim tjetër, sapo përfundojnë të parin. Por nëse ai nuk e ka përmendur këtë dhe nuk ka pranuar të shkojë në një takim të dytë kur e keni pyetur, atëherë kjo tregon se ai nuk është më i interesuar për ju.

Ai nuk ju dërgon mesazhe më vonë

Mund të jetë e mundur që çiftet të mos ndihen rehat aq sa të flasin siç duhet në takimin e tyre të parë. Për shkak të kësaj, ata ndërveprojnë me njëri-tjetrin përmes teksteve dhe thirrjeve pas atij takimi. Por nëse ai ende nuk ju ka dërguar mesazhe ose nuk ju përgjigjet mesazheve tuaja, atëherë kjo tregon se ai mund të mos jetë i interesuar në takimin e dytë.

Ai nuk ju bën komplimente

Njerëzit shpesh bëjnë komplimente për njëri-tjetrin kur janë në takim. Jo vetëm kjo, por ka raste kur çiftet komplimentojnë njëri-tjetrin përmes mesazheve me tekst. Por nëse ai nuk ju bën kompliment as në takim e as në biseda, atëherë kjo mund të jetë një shenjë që ai nuk është i interesuar të shkojë në një takim të dytë me ju.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.