Premier Liga angleze do të zbresë në fushë për javën e 28-të. Katër sfida janë programuar të luhen ditën e shtunë, duke filluar nga ora 13:30 dhe ajo përmbyllëse në orën 21:00.
Sfida hapëse e javës është ajo midis Burnley-t dhe Arsenal-it. Ndeshje e cila do të fillojë në orën 13:30 në “Turf Moor”.
Vendasit renditen në vendin e 15-të me 29 pikë, ndërsa miqtë mbajnë vendin e 10 me 37 pikë, por me një ndeshje më pak.
Ndeshja e fundit midis dy ekipeve në fazën e parë të Premier Ligës, ka përfunduar 0-1 për Burnley-n, që ishte udhëtues në “Emirates Stadium”.
Duke filluar nga ora 16:00, në “Bramall Lane” do të luhet sfida midis Sheffield United-it dhe Southampton-it.
Vendasit kanë 14 pikë dhe qëndrojnë në vendin e fundit të renditjes. Miqtë e Southampton-it kanë 30 pikë dhe renditen në vendin e 14-të.
Në ndeshjen e fundit midis tyre, Southampton-i vendas ia doli të fitonte me rezultatin 3-0.
Në orën 18:30, në “Villa Park” do të ndeshen Aston Villa dhe Wolverhampton-i. Vendasit renditen të nëntët në kampionat, me 39 pikë dhe me dy ndeshje më pak se Wolves-i, që gjendet në vendin e 12-të me 34 pikë.
Gjatë fazës së parë, ndeshja midis dy ekipeve, e luajtur në “Molineux Stadium” përfundoi 0-1 për Aston Villa-n.
Sfida që do të përmbyllë ndeshjet e së shtunës në Premier Ligë është ajo midis Brighton & Hove Albion-it dhe Leicester City-t.
Ndeshja do të fillojë në orën 21:00, në “American Express Community Stadium”. Vendasit renditen në vendin e 16-të me 26 pikë, në po kaq ndeshje. Miqtë, me një ndeshje më shumë, renditen në vendin e tretë me 50 pikë.
Në ndeshjen e parë mes tyre në “King Power Stadium”, Dhelprat fituan me rezultatin e pastër 3-0.
Ditën e diel dhe të hënë do të luhen sfidat e mbetura. Përkatësisht të dielën: West Brom-i kundër Newcastle-t, Liverpool-i kundër Fulham-it, Manchester City kundër Manchester United-it dhe Tottenham-i kundër Crystal Palace-t.
Të hënën luhen dy sfidat përmbyllëse të javës së 28-të në Premier Ligë. Chelsea kundër Everton-it dhe West Ham-i ndaj Leeds-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
