Ministri i Mjedisit, Planifikimit Hapësinor dhe Infrastrukturës, Liburn Aliu nuk ka raportuar në Komisionin për Mbikëqyrjen e Financave Publike.
Në këtë mbledhje ka raportuar zëvendësministrja Linda Çavdarbasha lidhur me mbledhjen, trajtimin dhe asgjësimin e mbeturinave komerciale.
Ajo bëri të ditur se për menaxhimin e mbeturinave ministria ka formuar grup punues që të bëhet reduktimi i qeseve të plastikës deri në vitin 2022.
“Monitorimi bëhet çdo vit. Me qëllim të menaxhimit të mbeturinave të qeseve të plastikës ministria ka formuar grup punues që të bëhet reduktimi i qeseve të plastikës deri në vitin 2022. Në vitin 2023 fillon implentimi i masave të marra nga ministria”, deklaroi ajo.
Ndërsa edhe deputeti Enver Haliti, ka paraqitur të dhënat nga raporti i auditimit për menaxhimin e mbeturinave.
Haliti theksoi se janë planifikuar plane, por nuk është bërë hartimi për realizimin e tyre.
“Ministria ka hartuar planin strategjik për menaxhimin e mbeturinave për vitin 2022. Nuk ka njohuri për rinvestime të bëra nga komuna. Hartimi i strategjisë së re ka filluar në vitin 2020”.
“Janë planifikuar plane, por nuk është bërë hartimi për realizimin e tyre. Për kategorizimin e mbeturinave ministria kishte ndarë 7 milionë euro”.
Deputeti nga radhët e Partisë Demokratike të Kosovës, Hajdar Beqa, ka pyetur se a ka strategji për krijimin e deponive të reja.
“Në bazë të raportit operon numër i madh i bizneseve që gjeneron mbeturina. Mungesa e klasifikimit ndikon diekt në shëndetin e njeriut. A ka strategji të krijimit të deponive të reja”.
Po ashtu, edhe deputeti Rashit Qalaj tha se nuk ka pasur qasje serioze në trajtimin e mbeturinave.
“Deri më sot nuk kemi pasur qasje serioze në trajtimin e mbeturinave. Janë bërë investime të mëdha dhe nuk kanë përfunduar askund. Po besoj është qasje jo serioze e institucioneve tona”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet