![](https://albanianpost.com/wp-content/uploads/2022/11/Pique-1.jpg)
Gerard Pique shpërtheu në lot teksa mbajti një fjalim emocionues pasi luajti ndeshjen e tij të fundit në Camp Nou për Barcelonën në fitoren 2-0 të së shtunës ndaj Almerias.
Pique, 35 vjeç, premtoi se do të kthehej në klub në një farë mënyre në të ardhmen, por tha se ndonjëherë të duash diçka kaq shumë do të thotë që duhet të dish se kur ta lësh.
Mbrojtësi ishte kapiteni i Barcelonës në paraqitjen e tij të 616-të për klubin kundër Almerias – duke luajtur 83 minuta para se të zëvendësohej me një ovacion në këmbë – dhe mund të bëjë një tjetër para daljes në pension kur skuadra e Xavi Hernandez të udhëtojë në Osasuna të martën përpara se LaLiga të pushojë për Kupën e Botës.
“Në jetë, ndërsa rritesh, ndonjëherë të dashurosh do të thotë të heqësh dorë”, tha Pique, para se të fillonte të qante teksa fliste në mes të fushës në Camp Nou pasi bëri një xhiro nderi.
“Një marrëdhënie me kaq shumë dashuri, kaq shumë pasion, mendoj se është momenti për t’i dhënë vetes pak hapësirë. Prandaj mendoj se është momenti i duhur për të shkuar, sepse e dua këtë klub”.
“Jam i bindur se do të kthehem në të ardhmen. Kjo nuk është një lamtumirë, unë u largova kur isha 17 vjeç [për Manchester United] dhe u ktheva. Gjyshi më bëri anëtar kur linda. Unë kam lindur këtu dhe unë do të vdes këtu”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Spektakël në Grupin D: Austria del e para, Franca e dyta, Holanda e treta
-
Euro 2024: Katër ndeshje të rezervuara, luhet gjithçka në grupin C dhe D
-
Grupi i ‘vdekjes’, që bëri Kombëtaren të frymojë – Shqipëria e të ardhmes është gati sot
-
Anglia, Franca dhe Holanda kualifikohen nga grupi, pasi Shqipëria u mund nga Spanja
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Bardella premton të ndalojë shtetasit e dyfishtë nga disa punë shtetërore në Francë
-
Gërvalla, presidentit të Komitetit të Ministrave të KiE-së: I kemi plotësuar të gjitha kushtet për anëtarësim