![](https://albanianpost.com/wp-content/uploads/2022/04/lajcak-vucic-1.jpg)
Të gjitha marrëveshjet që janë nënshkruar në Bruksel në mes të Kosovës e Serbisë është e domosdoshme që të implementohen, ka thënë Miroslav Lajçak, Emisar Special i Bashkimit Evropian, pas përfundimit të takimit me presidentin serb, Aleksandër Vuçiç.
Të dy u takuan në Beograd, në vizitën që Lajçak i ka bërë Vuçiç-it në përvjetorin e nëntë të marrëveshjes së parë të arritur mes Kosovës e Serbisë në ndërmjetësimin e BE-së.
Lajçak ka deklaruar gjithashtu se do të vazhdojë të jetë shumë i angazhuar rreth dialogut dhe shpreson që të mos krijohen vonesa të mëtutjeshme, siç ka ndodhur në të kaluarën.
Takimi i tij në Beograd vjen në kohën kur delegacionet e Kosovës e Serbisë takohen për gjetjen e një zgjidhje për çështjen e targave.
21 prilli, e enjte, do të jetë edhe dita e fundit për të gjetur zgjidhjen, meqë skadon marrëveshja e përkohshme për ngjitësit në targa.
Vuçiç, duke anashkaluar faktin se ka dhjetëra marrëveshje që Serbia nuk i ka zbatuar, përkundër se i ka nënshkruar, shfrytëzoi rastin për të përmendur Asociacionin e Komunave me Shumicë Serbe, marrëveshje që Kosova e ka nënshkruar, por që më pas Gjykata Kushtetuese e nxori si jashtë frymës kushtetuese në rreth 22 pika të tij.
“Nëntë vjet kanë kaluar që nga marrëveshja e Brukselit dhe ende nuk ka asnjë shenjë në implementimit e obligimeve të marra nga Prishtina”, tha Vuçiç “sidomos në lidhje me Asociacionin”.
Në fjalinë përmbyllëse të Vuçiç pas takimit, ai ka falënderuar Lajçakun për durimin e treguar dhe “qasjen e tij konstruktive”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti: E vërteta për Ukshin Hotin me siguri ndodhet në arkivat e Beogradit
-
BE-ja e kategorizon “spekulim” optimizmin e Bislimit për heqjen e masave
-
BE-ja s’komenton gjetjen e armëve në Veri, kërkon që Kosova të mos marrë “hapa të njëanshëm”
-
Lista Serbe ofendon Rashiçin: Djali i Kurtit s’ka legjitimitet të flasë për Asociacionin
Lajmet kryesore
-
Basha sulmon sërish Berishën: Je në pazar me Ramën, sqaro demokratët për pengimin që i bën opozitës
-
Finalet e EURO 2024/ Mitaj: Atmosfera në skuadër është shumë e mirë, tashmë i gjithë fokusi është te ndeshja me Kroacinë
-
Von der Leyen fshehu raportin për shkeljen e lirisë së mediave në Itali, për të marrë mbështetjen e Melonit
-
BE-ja e kategorizon “spekulim” optimizmin e Bislimit për heqjen e masave