Ndeshja e parë e së shtunës në Premier League mes Liverpool-it dhe Chelsea-t përfundoi me rezultat të barabartë 0:0.
Dueli ishte i baraspeshuar, por Chelsea ishin skuadra më e mirë në fushë.
Në minutën e tretë, Kai Havertz shënoi për t’i dhënë epërsinë Chelsea-t, por goli u anulua për pozicion jashtë loje.
Blutë nga Londra kishin disa mundësi shumë të mira shënimi, por lojtarët e pa eksperiencë nuk arrinin të shënonin para Alisson.
Në pjesën e dytë, u fut në lojë edhe anësori 100 milionësh, Mykhailo Mudryk i cili ishte produktiv dhe krijoi disa raste të mira, të cilat nuk u shfrytëzuan.
Në minutat e fundit të ndeshjes, ishin Liverpool ata që po insistonin të shënonin, por edhe ata si Chelsea, nuk arrinin të mposhtnin portierin kundërshtar.
Momentalisht, Liverpool radhitet në pozitën e tetë me 29 pikë, ndërsa Chelsea në pozitën e 10-të me po aq pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
