Kualifikimi në Ligën e Kampionëve për sezonin e ardhshëm do të sjellë edhe shumë rinovime te skuadra e Milan-it.
Rafael Leao u raportua që do të rinovojë gjatë javës së ardhshme, derisa edhe portieri i tyre, Mike Maignan, ka arritur marrëveshje për ta zgjatur kontratën.
Edhe pse kontrata aktuale i skadon në vitin 2026, drejtuesit kuqezi kërkojnë ta bëjnë të qartë para hapjes së afatit kalimtar veror se objektivi i tyre është ta “blindojnë” portën nëpërmjet Maignan edhe për shumë vite në vazhdim.
Il #Milan blinda #Maignan: rinnovo fino al 2028 e aumento dell’ingaggio https://t.co/lWyxubgm4H
— La Gazzetta dello Sport (@Gazzetta_it) May 31, 2023
Siç raporton “Gazzeta Dello Sport”, Milan i ka ofruar një kontratë të re 27-vjeçarit, e cila do të jetë e vlefshme deri në vitin 2028 ndërsa sigurisht përmban edhe kushte të përmirësuara financiare.
Maignan aktualisht përfiton 2.8 milionë euro në sezon ndërsa me kontratën e re që pritet të zyrtarizohet së shpejti, francezi do të arkëtojë rreth 4 milionë euro në sezon.
Portier ii Francës rezultoi si një nga prurjet më cilësore për kuqezinjtë në vitin 2021.
I transferuar nga Lille për shumën e 13 milionë eurove, francezi u shndërrua në një nga elementët vendimtarë të skuadrës së drejtuar nga tekniku Stefano Pioli duke fituar sezonin e kaluar edhe titullin e Serie A.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Një darkë në Elysee për të bindur Scholz-in për Kinën
-
Kosova shënon regres për 19 vende në indeksin e “Reporterëve Pa Kufij” – gazetarët vazhdojnë të jenë cak i sulmeve politike
