Nëse shkarkohet kryetari i Kuvendit, Aleksa Beçiç, partia e tij “Mali i Zi Demokratik” u bën thirrje qytetarëve të protestojnë të mërkurën në orën 18:00 në Podgoricë.
“URA tashmë ka vendosur largimin e kryetarit të Kuvendit sepse ai është pengesë për qeverinë minoritare të URA dhe DPS. Kjo është dëshmi se është formuar një shumicë e re parlamentare. Është krijuar një koalicion i URA dhe DPS. Nëse ai shkarkohet sot, të gjithë do të shkojnë në protesta të mërkurën në 18:00 në Podgoricë afër Tempullit”, tha partia e Aleksa Beçiçt.
Deputetët e Kuvendit të Malit të Zi do të deklarohen në seancën e jashtëzakonshme të së hënës për shkarkimin e kryeparlamentarit malazez, me iniciativën e opozitës për lirimin e kryetarit të Kuvendit, Aleksa Beçiq.
Nisma është nënshkruar nga 38 deputetë të opozitës.
Partitë e shumicës parlamentare, DF dhe SNP, kanë njoftuar se nuk do të mbështesin propozimin për largimin e Beçiçit.
Para fillimit të seancës së Kuvendit, lëvizja civile URA do të vendosë se si do të votojë për shkarkimin e Beçiçit.
“Nëse dikush dëshiron të krijojë mazhorancë me ata me të cilët kemi fituar zgjedhjet, ai është vetë-shkatërrues, sepse ajo është rruga drejt vetë-shkatërrimit politik. Demokratët kanë votuar kundër shkarkimit të zëvendëkryeministrit Abazoviç, sepse ne respektojmë marrëveshjen e mazhorancës parlamentare dhe vullnetit elektoral të 208 mijë votuesve”, ka thënë Beçiç.
Seanca për votimin e mosbesimit ndaj kryetarit të Kuvendit, do të mbahet të hënën e 7 shkurtit.
“Prandaj, shkarkimi mund të ndodh vetëm nëse injorohen rezultatet që janë arritur, dhe vullneti i votuesve që nga 30 gushti riformësohet dhe parimet demokratike shkelen”, ka thënë kryeparlamentari malazez.
Pyetur se a beson se do të shkarkohet, ai tha se “kjo gjë nuk varet nga unë”.
“Në cilindo rast, unë do të isha i nderuar të shkarkohem duke mbrojtur vullnetin e popullit”, tha Beçiç.
“Të gjitha subjektet politike të shumicës parlamentare kanë bërë të ditur publikisht se nuk do të mbështesin shkarkimin e kryetarit të Kuvendit, duke përfshirë edhe kryetarin e URA të GP, z.Abazoviç”.
“Do të doja që njerëzit ta kuptojnë këtë – kriteret tona janë të çelikta. Respekt për fjalën e dhënë publikisht dhe vullnetin elektoral të qytetarëve. Ndryshe, vota për shkarkim është vota për zyrtarizimin e koalicionit me DPS-në. Nëse dikush dëshiron të bëjë shumicën me ata që fituam në zgjedhje, ai është vetëshkatërrues. Vetëshkatërruese, sepse është një rrugë drejt vetëshkatërrimit politik”, deklaroi Beçiç.
Më 4 shkurt u votua mosbesimi ndaj qeverisë së Zdravko Krivokapiç në Parlamentin e Malit të Zi.
Lideri i Lëvizjes Qytetare URA, Dritan Abazoviç, ka propozuar konceptin e një qeverie të pakicës, e cila pritet të ketë mbështetjen e partisë së Millo Gjukanoviç, por duke mos qenë pjesë e qeverisë.
Kryeministri i shkarkuar malazez, shkarkimi e tij e quajti se “shkarkim, sepse kështu deshi Gjukanoviç”.
Bisedimet se a do të mund të formohet një qeveri ose a do të shkohet në zgjedhje të reja, janë duke u mbajtur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gazetarja kineze e burgosur për raportim të COVID-19 në Wuhan do të lirohet, pas katër vitesh burgosje
-
Hamasi publikon videon e re të pengut izraelit, Nadav Popplewell
-
Tusk zotohet të forcojë sigurinë në kufirin e BE-së me Bjellorusinë
-
Refuzimet për takim, Kurti: Mendova se është më së mirë të takohemi të gjithë së bashku