Nutella mbush 60 vjeç: Kuriozitete që ndoshta nuk i keni ditur

Është e vërtetë që receta zyrtare e Nutella-s daton në vitin 1964, por 13 vjet më parë, Ferrero kishte krijuar SuperCrema.

Pak më e hollë, nuk kishte konsistencën perfekte të Nutella-s, e cila vitin e ardhshëm u lançua në Gjermani, ende konsumatori më i madh, më pas në Francë në vitin 1966, ku pati shumë sukses dhe gradualisht në të gjithë botën.

Emri është një version i italianizuar dhe femëror i lajthisë. Emri Nutella është jashtëzakonisht femërore.

Në vitin 2014 u emetua një pullë e dedikuar për 50 vitet e para të saj dhe në vitin 2021 për 75 vjetorin e Ferrero u pre një monedhë argjendi e dedikuar prej 5 euro, e kompletuar me një kavanoz Nutella të stampuar në anën e pasme.

Përveç skenës së kultit në Bianca me kavanozin gjigant të Nanni Moretti-t, paraqitjes në disa seriale amerikane dhe renditjes në mesin e furnizimeve për të mbijetuar në komedinë horror Let’s End it në vitin 2013, ajo është gjithashtu protagoniste në Triangle of Sadness, filmi i Ruben Östlund i fituesit të Palmës së Artë të vitit 2022 në Kanë.

Valixhe e verdhë që zbret në anijen luksoze të lundrimit në bordin e një helikopteri, përcillet në kuzhinë dhe hapet me vëmendjen më të madhe teksa përmban tre kavanoza Nutella për një mysafir të pangopur.

Nutella 100 për qind vegjetale është gjithashtu në rrugë e sipër.

Më 1 dhjetor 2023, Ferrero depozitoi markën tregtare “Nutella Plant based” në zyrën italiane të patentave të Made in Italy.

A është multietnike? Natyrisht: prodhohet në njëmbëdhjetë fabrika Ferrero, me punëtorë nga 97 vende të ndryshme dhe shitet në rreth 160 vende të botës.

Sa prodhohet? Çdo vit, mbi 400 mijë ton.

Nëse do të rreshtonit të gjithë kavanozët e Nutella-s të prodhuar në një vit, do ta rrethonit Tokën 1.7 herë.

Koleksionisti numër një është një italian, Simone Paganoni, ai jeton në Bergamo, menaxhon një lokal, është këshilltar i qytetit dhe ka një tavernë në shtëpi ku ruan mbi gjashtë mijë copë, nga kavanoza te gota, kapele, pajisje, relike historike dhe pjesë moderne.

Ai është në pritje të Librit të Rekordeve Guinness për ta certifikuar si koleksionistin e parë në botë.

Marrë nga “Corriere della Sera”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.