Udhëheqësi i ekstremit të majtë norvegjez dhe deputeti Bjørnar Moxnes dha dorëheqjen si lider i partisë së tij të hënën e 24 korrikut.
Kjo, pasi u kap duke vjedhur një palë syze dielli nga një dyqan në aeroportin e Oslo-s.
Lajmi u bë i ditur nga agjencia franceze “AFP”.
“Bëra një gabim të madh dhe e përkeqësova më mënyrën se si e trajtova më pas”, shkroi Bjørnar Moxnes në faqen e tij në Facebook. “Më vjen shumë keq për këtë dhe dua t’iu kërkoj falje”.
Më 30 qershor, Bjørnar Moxnes tha se u gjobit me 3 mijë korona (250 euro) për vjedhjen e syzeve të diellit Hugo Boss, me vlerë 1 mijë e 199 korona (rreth 100 euro), në një dyqan pa taksa në aeroportin e Oslo-s dy javë më parë.
Politikani 41-vjeçar kishte fajësuar hutimin e tij në atë rast, por kishte ndryshuar disa herë versionin e tij për zbulimet rreth këtij episodi të kapur nga kamerat CCTV, të cilat duket se hedhin poshtë hipotezën e një mospërfilljeje.
Aktualisht në pushim mjekësor, Bjørnar Moxnes po heq dorë nga posti i tij në krye të partisë opozitare Rødt të cilën e drejtoi për 11 vjet dhe të cilën ai e ndihmoi të zhvillohej deri në fitimin e shtatë vendeve në Parlament në zgjedhjet legjislative të vitit 2021.
Sipas rregullave në fuqi në Norvegji, është e pamundur të dorëhiqesh nga funksionet zgjedhore, si ato të deputetit, gjatë mandatit.
Deri atëherë numri dy i partisë, Marie Sneve Martinussen, 37 vjeçe, merr përkohësisht frenat e formacionit politik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Manja: Kodi i ri Penal i nevojshëm, do i nënshtrohet konsultimit publik
-
Bajrami: LVV është kundër mediave, indeksi i “Reporterëve pa Kufij” është alarmant
-
Kosova shënoi regres për 19 vende në indeksin e “Reporterëve Pa Kufij” – Ambasada britanike: S’është koha për vetëkënaqësi
-
Rama dhe Habeck mbajnë fjalimet për Çmimin e Karlit të Madh
Lajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Një darkë në Elysee për të bindur Scholz-in për Kinën
-
Kosova shënon regres për 19 vende në indeksin e “Reporterëve Pa Kufij” – gazetarët vazhdojnë të jenë cak i sulmeve politike