Një burrë i ka vënë flakën vetes në një park jashtë gjykatës ku po zhvillohet gjyqi penal i Donald Trump. Gazetarët në vendngjarje panë burrin të hidhte pamflete në ajër, përpara se të lahej me lëng dhe t’i vinte flakën vetes.
Motivi i burrit nuk dihet, dhe ai është në gjendje kritike në spital, thotë NYPD.
Një zëdhënës i gjykatës tha se burri i vuri zjarrin dokumenteve të gjykatës rreth orës 16:15 në katin e katërt të ndërtesës, që ndodhet në 60 Center Street në Lower Manhattan, dhe më pas ai përdori një zjarrfikës për ta shuar atë.
Një zyrë e zëdhënësit të administratës së gjykatës, Al Baker, tha në një deklaratë se departamenti i zjarrfikësve u përgjigj dhe tre kate të gjykatës u evakuuan. Nuk u raportua për lëndime serioze dhe personi i paidentifikuar u arrestua, tha Baker.
Zyrtarët e FDNY thanë se 17 persona pësuan lëndime të lehta, që besohet se janë shkaktuar nga ekspozimi irritues nga përdorimi i fikjes së zjarrit. Dy persona, një rreshter dhe një oficer i gjykatës, u dërguan në një spital lokal, sipas ABC7 New York. Shumica e të plagosurve ishin oficerë të gjykatës.
Incidenti erdhi disa orë pas përfundimit të dëshmisë në rastin e mashtrimit civil të ish-presidentit amerikan në katin e tretë të ndërtesës. Fjalët përmbyllëse të çështjes do të fillojnë muajin e ardhshëm. Nuk kishte asnjë indikacion deri më tani se zjarri kishte lidhje me gjyqin e Trump.
Brenda gjykatës, më në fund u konfirmua juria e shtatë burrave dhe pesë grave, plus gjashtë anëtarë të jurisë rezervë. Kjo është hera e parë që një president amerikan – aktual apo ish – përballet me një gjyq penal.
Trump akuzohet se u përpoq të mbulonte një pagesë prej 130,000 dollarësh (104,300 £) për yllin porno Stormy Daniels përpara se të fitonte zgjedhjet e 2016-ës.
Ai është deklaruar i pafajshëm për 34 akuza për mashtrim dhe gjithashtu mohon të ketë një lidhje me Daniels
Marrë nga The Guardian, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit