Kryetarja e Kuvendit të Shqipërisë, Lindita Nikolla, mëngjesin e 19 janarit, i ka dërguar një letër urimi Presidentes së re të zgjedhur të Parlamentit Evropian, Roberta Metsola.
“Me rastin e zgjedhjes në detyrën e lartë e të nderuar të Presidentes së Parlamentit Evropian, ju dërgoj urimet më të përzemërta të Kuvendit të Shqipërisë dhe të miat personalisht”, ka shkruar ajo.
Kryeparlamentarja është shprehur e bindur së prania e Metsolës në PE do të jetë “mbështetje e madhe për Shqipërinë në rrugëtimin evropian”.
Ajo ka shtuar se, me zgjedhjen e Metsolës do të zgjerohet bashkëpunimi me Kuvendin e Shqipërisë dhe institucioneve evropiane.
Roberta Metsola mori detyrën e re në krye të PE-së të martën e 18 janarit, në vend të David Sassoli-t – disa ditë pas vdekjes së tij.
Ajo është gruaja e parë në 20 vjet që mban këtë post.
Metsola u zgjodh me një shumicë të qartë prej 458 vota pro nga 616 të hedhura.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Si ‘gangsterët’ ballkanikë u bënë furnizuesit kryesorë të kokainës në Evropë
-
Lirimi nga burgu i themeluesit të Agimit të Artë zemëron antifashistët grekë
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit