Presidenti i Parlamentit Evropian, David Sassoli, në moshën 65-vjeçare, është ndarë nga jeta në orët e para të mëngjesit të 11 janarit.
Lajmin e ka bërë të ditur zëdhënësi i tij për shtyp, teksa ka shpjeguar se ish-gazetari i qendrës së majtë në Itali, kishte qenë në gjendje të rënduar shëndetësore për më shumë se dy javë dhe kishte anuluar të gjitha angazhimet e tij politike.
Për shkak të komplikimeve me sistemin e tij imunitar, Sassoli ishte pranuar në një spital italian muajin e shkuar.
Roberto Cuillo, zëdhënësi i tij, tha se shuarja e presidentit kishte ndodhur gjatë gjumit, në spitalin onkologjik të Aviano-s.
Në shtator, Sassoli kishte pasur të tjera ndërlikime shëndetësore, kur u shtrua në një spital në Strasbourg për simptoma të rënda pneumonie.
Ai më pas, iu rikthye aktivitetit politik në nëntor.
Një votim për të zgjedhur pasardhësin e tij ishte planifikuar të enjten e 20 janarit, duke qenë se vetë ai e kishte shpjeguar më parë se nuk do të kërkonte rizgjedhjen. Tashmë, ky proces bëhet i detyruar për shkak të humbjes.
Mandatin e Presidentit të PE-së, ai e mori në qershor 2019, teksa ky rol, cilësohet si një ndër më të lartët në rangjet e Bashkimit Evropian.
Si shkoi drejt zgjedhjes?
Sassoli ishte përballë tre kandidatëve të tjerë, kur i hyri garës për postin e lartë brenda strukturave të BE-së.
Që në fjalën e parë, fryma përbashkuese e unionit u ndje në fjalët e tij. Presidenti i sapo zgjedhur në vitin 2019, u bëri thirrje të gjitha vendeve që të përqaseshin për nga filozofia e themeluesve të organizimit.
Kështu, ai e nisi retorikën anti-nacionaliste. Një frymë e tillë përçarëse, ishte futur në gjithë Evropën e veçanërisht në vendet anëtare të Bashkimi Evropian.
“Të lëmë pas luftën dhe nacionalizmin, në këmbim të paqes dhe barazisë”.
Ky ishte mesazhi, i cili e shoqëroi atë në gjithë rrugëtimin tre-vjeçar kur mbajti postin.
Sakaq, një dekadë më parë, në vitin 2009, ai la pas karrierën tre-dekadente në gazetari, për t’u zgjedhur si anëtar i Parlamentit Evropian nën përfaqësinë italiane.
Ai bëri pjesë në Aleancën e Socialistëve dhe Demokratë – e dyta më e madhe brenda PE-së.
Ngushëllimet e para kanë ardhur edhe nga radhët e kolegëve të tij.
Presidentja e Komisionit Evropian, Ursula von der Leyen, shkroi mbi shuarjen e Sassoli-t.
“Jam shumë e trishtuar për humbjen e tmerrshme të një evropiani dhe italiani krenar. David Sassoli ishte një gazetar me pasion, President i pashoq i PE-së dhe mbi të gjitha, një mik i mirë”.
I am deeply saddened by the terrible loss of a great European & proud Italian.
David Sassoli was a compassionate journalist, an outstanding President of the European Parliament and, first & foremost, a dear friend.
My thoughts are with his family.
Riposa in pace, caro David!
— Ursula von der Leyen (@vonderleyen) January 11, 2022
Në të njëjtën linjë është shprehur edhe Presidenti i Këshillit të Evropës, Charles Michel, i cili i kishte uruar edhe një shërim e rikthim të shpejtë, natën e shkuar, kur Sassoli u shtrua në spital.
“Ndihem i prekur pas lajmit të shuarjes së presidentit Sassoli”, shkruan ai. “Evropian i sinqertë dhe i apasionuar. Na mungon që tani ngrohtësia e tij njerëzore, bujaria, mirësjellja dhe buzëqeshja”.
Mi sento triste e commosso dopo la notizia della scomparsa di @EP_President @DavidSassoli
Europeo sincero e appassionato, ci manca già il suo calore umano, la sua generosità, la sua cordialità e il suo sorriso.
Sincere condoglianze alla sua famiglia e ai suoi cari.
— Charles Michel (@eucopresident) January 11, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rreziku i “Orbanizimit” zvarritës i Italisë
-
Në ditëlindjen e Hitlerit vizituan vendlindjen e tij dhe bënë përshëndetjen romake, por denoncohen
-
Ish anëtari i UÇK-së Ramiz Qeriqi nis dëshminë në Speciale, pyetet për një dokument të 2005-së
-
Osmani në New York takon përfaqësues të vendeve partnere: Kosova krenare që ka kaq shumë miq
Lajmet kryesore
-
Hasani nis vizitën në Kroaci në takim me Plenkoviç, merr mbështetje për integrimin evropian
-
Asllani pas fitimit të titullit: Si tifoz i Interit nuk mund të kërkoj më shumë
-
Antony Blinken kundërshton pretendimet se Amerika po mban “standard të dyfishtë” për Izraelin
-
Goncharenko: Respekt për Kosovën, por ajo s’është çështja kryesore për Ukrainën