Ndaloni turistët rusë sepse mund të jenë vrasësit në Bucha, i kërkon Zelensky Parlamentit shqiptar

Presidenti i Ukrainës, Volodymyr Zelensky, në adresimin e tij përballë parlamentarëve shqiptarë, i ka bërë edhe një kërkesë Kuvendit të Shqipërisë, për të ndaluar turistët rusë, pasi ata mund të jenë vrasësit e banorëve në Bucha.

“Ju kërkoj që të kufizoni portat për anijet ruse dhe të kufizoni ardhjen e turistëve. Ndoshta vijnë vrasës të Bucha-s, apo të Irpin-it”, shpjegoi Zelensky.

Teksa ai nuk u ndal vetëm me kaq, por kërkoi edhe që ndalohet dhënia e fondeve nga Organizata e Kombeve të Bashkuara për Rusinë.

Shqipëria ka një fjalë të fortë në strukturat e OKB-së, pasi është anëtare e përkohshme e Këshillit të Sigurimit.

Ndër të tjera, Zelensky nuk ngurroi ta cilësonte si “rreshtim në anën e të vërtetës” këtë të Shqipërisë.

Falënderimet për mbështetjen me hapa konkrete dhe sanksione kundër Moskës, nuk kanë munguar nga presidenti Ukrainas.

Një fjalë përshëndetëse, e mbajti edhe kryeministri, Edi Rama, i cili ravijëzoi mbëshetjen e pakushtëzuar të Tiranës për Kievin.

Ndërsa, në sallë, pjesë seancës ishte edhe ambasadori ukrainas në Tiranë, Volodymyr Shkurov.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.