Ministrja e Arsimit, Shkencës, Teknologjisë dhe Inovacionit (MASHTI), Arbërie Nagavci, ka nënshkruar vendim për pajtueshmërinë e punimeve dhe publikimeve shkencore me etikën në hulumtim të stafit akademik.
Këtë Nagavci e ka bërë të ditur përmes një shkrimi në rrjetin social ‘Facebook’.
“Ndonëse plagjiatura konsiderohet si formë e rëndë e shkeljes së etikës akademike, fatkeqësisht raste të tilla u raportuan së fundi në Universitetin e Prishtinës. Në linjë me këtë, kam nënshkruar sot vendimin për pajtueshmërinë e punimeve dhe publikimeve shkencore me etikën në hulumtim të stafit akademik të institucioneve të arsimit të lartë (IAL)”, ka shkruar Nagavci.
Ajo tutje ka sqaruar se ky vendim do t’i detyroj të gjithë stafin akademik të bëjnë ngarkimin e disertacionit të doktoratës përmes një platforme.
“Me këtë vendim, obligohen të gjitha IAL-të në Republikën e Kosovës që me rastin e deklarimit të stafit akademik në platformën e-akreditimi të AKA-së të bëjnë ngarkimin e disertacionit të doktoratës dhe të publikimeve në revistat e indeksuara, në platformat e përcaktuara me Manualin e AKA-së për akreditim”.
Ndërsa ka rikujtuar se ngritja e cilësisë në arsimin e lartë është një nga prioritetet kryesore të Qeverisë dhe MAShTI-it, “për çka jemi duke u angazhuar shumë që nga fillimi i mandatit”.
“Si ministre e Arsimit pres që rastet e plagjiaturës të raportuara deri tash të trajtohen me seriozitet nga organet e Universitetit të Prishtinës”, deklaroi ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
-
Franca vlerëson se 150 mijë ushtarë rusë janë vrarë në luftën në Ukrainë
-
NYPD nxjerr shifrat e arrestimeve, mes pretendimit të “agjitatorit të jashtëm” në protestën e Columbia-s për Gazën