Sipas raportimeve të fundit në mediat italiane, Jose Mourinho, jo vetëm që është gati të qëndrojë te Roma, por edhe të zgjasë kontratën e tij deri në qershor të vitit 2026.
Trajneri kishte ngritur vazhdimisht dyshime për të ardhmen e tij, duke këmbëngulur se klubi duhej t’i jepte atij më shumë burime për të punuar, edhe pse qëndronte brenda parametrave të “Fair Play”-t Financiar.
Situata ndryshoi pas një takimi me pronarët e klubit, familjen Friedkin, por edhe faktin që Paris Saint-Germain u tërhoq nga bisedimet me “The Special One”, pasi hierarkia e Katarit nuk e konsideroi atë të përshtatshëm për skuadrën e Ligue 1.
#Salandin: "#Mourinho rinnova fino al 2026, ha avuto garanzie sul mercato. C’è un amore viscerale a #Roma per lui"#ASRoma https://t.co/tKfUWVsLIM
— Pagineromaniste.com (@PagineRomaniste) June 8, 2023
Sidoqoftë, “Corriere dello Sport” pretendon se tani ka negociata që jo vetëm të mbetet për vitin e tretë dhe të fundit të kontratës së tij, por edhe për ta zgjatur atë deri në vitin 2026.
Mourinho fitoi Ligën e Konferencës në sezonin e tij të parë me Romën, më pas arriti në finalen e Ligës së Evropës, duke humbur në penallti nga Sevilla.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
