Të premten e 10 shtatorit ka ranë në prangat e policisë drejtori i Inspektoriatit Kombëtar të Mbrojtjes së Territorit në Qarkun e Dibrës dhe administratori i një firme private që operonte në fushën minerare.
Policia bëri të mundur arrestimin e shtetasit L. M., 56 vjeç – me detyrë drejtor i IKMT-së – me ndihmën e Prokurorisë së Posaçme (SPAK).
56-vjeçari, banues në Tiranë, akuzohet se ka abuzuar me funksionin si drejtor, duke marrë ryshfete nga shtetasi E. E., 34 vjeç – administrator i kompanisë që operonte në fushën minerare në Dibër.
Përkatësisht drejtori i IKMT-së ka marrë nga 34-vjeçari shumën prej 50 mijë lekëve të rinj. Korruptimi ka ardhur për të mos filluar procedurën për shkeljen e konstatuar tek ky subjekt nga grupi i kontrollit për mungesën e dokumentacionit, si lejen mjedisore e dokumente të tjera.
Në cilësinë e provës materiale shtetasit L. M, iu sekuestrua shuma e këtyre parave të marra. Si dhe shuma prej 29 mijë e 500 euro, 1 mijë e 300 dollarë dhe 896 mijë lekë të rinj, të gjetura nga policia gjatë kontrollit në banesën e tij.
Ndërkohë materialet procedurale i kanë kaluar SPAK-ut për kryerjen e veprës penale të “Korrupsion pasiv i personave që ushtrojnë funksione publike”, “Korrupsioni aktiv i personave që ushtrojnë funksione publike”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Dokumentari i Rai 3: Ironi dhe akuza në Kuvendin e Shqipërisë
-
Bardhi: Kuvendi të distancohet nga sjellja e Ramës ndaj Rai 3
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE