Zëvendësministrja e Arsimit, Shkencës, Teknologjisë dhe Inovacionit (MAShTI), Edona Maloku – Bërdyna të premten në konferencë për media ka bërë të ditur se mbi një mijë e 400 mësimdhënës dhe mbi 6 mijë nxënës janë të infektuar me COVID-19 në të gjithë Kosovën.
“Nga 23 mijë e 90 mësimdhënës, me COVID-19 janë 1,489 mësimdhënës. Nga 298 mijë nxënës, janë mbi 6 mijë të infektuar me COVID-19″.
Ajo ka sqaruar edhe numrin e shkollave të cilat po vijojnë me mësim online dhe atyre me prani fizike.
Me skenarin rikthimi me prani fizike janë 672 shkolla, shtatë shkolla me skenarin A, me skenarin B janë pesë shkolla, ndërsa në skenarin C janë 90 shkolla”, deklaroi ajo.
Ndërsa, ka apeluar për respektim të masave në shkolla dhe për vaksinim të fëmijëve mbi moshën 12 vjeçare.
Më 27 janar, në Kosovë kanë humbur jetën shtatë persona nga COVID-19 ndërsa janë regjistruar tre mijë e 917 raste të reja.
Rastet e reja kanë dalur pas testimit të 15 mijë e 268 mostrave.
Nga kjo shifër i bie se mbi 25 për qind e të testuarve kanë rezultuar pozitivë për sëmundjen COVID-19.
Ndërsa është bërë e ditur se janë shëruar edhe 617 pacientë.
Në Kosovë, aktualisht janë 28 mijë e 751 raste aktive me COVID-19.
Deri më tani, të vaksinuar plotësisht me dy doza të vaksinës janë 803 mijë e 638 persona.
Në Kosovë, të gjithë personat nga mosha 12-vjeçare mund të vaksinohen kundër COVID-19.
Dozën përforcuese dhe atë të tretë mund ta marrin të gjithë personat mbi 18 vjeç që janë imunizuar me dy doza para tre muajsh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
-
Franca vlerëson se 150 mijë ushtarë rusë janë vrarë në luftën në Ukrainë
-
NYPD nxjerr shifrat e arrestimeve, mes pretendimit të “agjitatorit të jashtëm” në protestën e Columbia-s për Gazën