Maliqi: Vuçiçi e arriti synimin që Kosova të shihet si palë joserioze nga ndërkombëtarët – pa pasur nevojë të bëjë asgjë
Agon Maliqi, analist politik dhe aktivist i shoqërisë civile, nëpërmjet një postimi në “Facebook” të enjten, duke komentuar rreth zhvillimeve të fundit në kontekstin e bllokimit të anëtarësimit të Kosovës në Këshillin e Evropës, konsideroi se “nuk ka fitore më të madhe” për presidentin serb, Aleksandar Vuçiç, sesa bindja e Perëndimit se Kosova s’është palë serioze.
“Nuk ka fitore më të madhe për Vuçiçin se bindja tashmë e ngulitur në perëndim se Kosova nuk është negociatore dhe palë serioze. Vuçiçi e ka arritur këtë synim dhe e ka shfajësuar veten pa pasur nevojë të bëjë asgjë. Thjesht i ka mjaftuar të ulet, të hajë fara dhe ta shikojë qeverinë tonë në veprim”, shkroi Maliqi pas zhvillimeve të fundit rreth Këshillit të Evropës.
Ministrja e Punëve të Jashtme, Donika Gërvalla-Schwarz, në një letër drejtuar presidentit të Asamblesë Parlamentare të Këshillit të Evropës, Theodoros Rousopoulos, deklaroi se Qeveria e Kosovës është duke përgatitur një draftstatut për Asociacionin e Komunave me Shumicë Serbe të cilin është zotuar ta dërgojë në Gjykatën Kushtetuese deri në fund të majit.
E zotimi i ekzekutivit kosovar për dërgimin e draftstatutit në kushtetuese vjen në prag të seasionit pranveror të Komitetit të Ministrave, ku anëtarësimi i vendit të vogël nuk është në rend dite për shkak se kryeministri i Kosovës, Albin Kurti, hodhi poshtë kërkesën e Gjermanisë, Francës dhe Italisë.
Kancelari i Gjermanisë, Olaf Scholz, kryeministrja e Italisë, Giorgia Meloni, dhe presidenti i Francës, Emmanuel Macron, në një letër të përbashkët, theksuan se ekziston rrezik real që pa progres drejt Asociacionit të Komunave me Shumicë Serbe në bazë të draftstatutit të Bashkimit Evropian (BE), aplikimi i Kosovës nuk do të marrë mbështetjen e mjaftueshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti: Serbët e Kosovës s’janë problemi, por Serbia që s’u distancua nga fazhizmi
-
Gjenden dy granata të dorës në Graçanicë, tërhiqen nga FSK-ja dhe KFOR-i
-
“Krenar që lufta e UÇK-së bëri që ShBA-ja dhe NATO t’i bashkohen kauzës sonë për liri”, thotë Hamza
-
“Trepça” kërkon kthimin e pronave të paluajtshme
Lajmet kryesore
-
Nis seanca në Gjykatën e Apelit, Basha dhe Berisha pretendojnë secili vulën e PD-së
-
Tirana pret konferencën e INTERPOL-it për Evropën, Balla: Të përkushtuar në luftën ndaj krimit e korrupsionit
-
Ursula von der Leyen fillon nga mbështetësit e BE-së, por nuk i pret urat
-
Kurti: Serbët e Kosovës s’janë problemi, por Serbia që s’u distancua nga fazhizmi