Lojërat Olimpike mes frikës së përhapjes COVID – shifrat tregojnë të kundërtën

Para fillimit të Lojërave Olimpike, autoritetet në Japoni kishin frikë se Lojërat Olimpike 2020 – me mijëra zyrtarë, media dhe atletë që do të mbërrinin në Tokyo në mes të një pandemie – mund të përhapnin COVID-19, variantet e reja dhe të mposhtin sistemin mjekësor.

Por ndërsa Lojërat po i afrohen fundit të tyre, numrat e infeksionit nga brenda “flluskës” olimpike – një sërë vendndodhjesh, hotelesh dhe qendrash mediatike në të cilat ata që vinin për Lojërat ishin kufizuar – tregojnë një histori tjetër.

Me më shumë se 50 mijë njerëz – ajo që ishte ndoshta eksperimenti më i madh global i këtij lloji që nga fillimi i pandemisë – duket se ka funksionuar kryesisht, thonë organizatorët dhe disa shkencëtarë, me vetëm një pjesë të infektuarve të përfshirë.

“Para Lojërave Olimpike, mendova se njerëzit do të vinin në Japoni me shumë variante. Kështu Tokyo do të ishte një enë e shkrirjes së viruseve dhe një variant i ri do të dilte në sipërfaqe”, tha Kei Sato, një studiues i lartë në Universitetin e Tokyo-s.

“Por nuk kishte asnjë shans që viruset të pësonin mutacion”, shton më tej ai.

Arsyeja kryesore për numrin e ulët të infeksioneve ishte shkalla e vaksinimit prej më shumë se 70% në mesin e olimpikëve, organizatorëve dhe gazetarëve, testimi ditor, distancimi shoqëror dhe një bar për spektatorët vendas e ndërkombëtarë.

Brian McCloskey, këshilltari kryesor për “flluskën” e organizatorëve olimpikë, tha se ai nuk do të tregonte asnjë masë specifike që funksionoi më mirë.

Organizatorët regjistruan 404 infeksione të lidhura me Lojërat që nga 1 korriku. Ata kryen afër 600 mijë teste të COVID-19 me shkallën e infeksionit prej 0.02%.

Situata brenda “flluskës” ishte në kontrast të fortë me atë të jashtëm. Me një rritje të shpejtë të infeksioneve kryesisht nga varianti Delta – duke arritur rekorde ditore. Për herë të parë u kapërcyen 5 mijë raste në qytetin pritës. Kjo u pa si kërcënim për spitalet e Tokyo-s.

Maskat dhe paralajmërimet

Në “flluskën’ olimpike, gazetarët, gjatë karantinës së tyre dyjavore, duhej të raportonin temperaturën dhe gjendjen e tyre çdo ditë. Si dhe të shkarkonin një aplikacion për gjurmimin e kontakteve. Ata u ndaluan nga transporti publik dhe u kërkoheshin maska ​​në qendrën e mediave gjatë gjithë kohës.

Nuk kishte raste serioze të COVID-19 në fshatin Olimpik, tha McCloskey, ku më shumë se 10 mijë atletë qëndruan gjatë Lojërave – ndonjëherë dy në një dhomë.

Ndërsa McCloskey vijoi se aktualisht “besimi” i ekspertëve ishte se infeksionet midis vizitorëve jashtë shtetit në “flluskë” u sollën në vend.

McCloskey i bëri jehonë kryeministrit japonez Yoshihide Suga duke thënë se ai nuk mendonte se Lojërat kontribuuan në rritjen e infeksioneve në Tokyo.

Ai tha se, “sa më afër që ishte dikush me atletët dhe me ndërfaqen midis bashkësisë ndërkombëtare dhe komunitetit vendas japonez aq më shumë ata u testuan”.

Disa ekspertë, si Koji Wada, profesor i shëndetit në Tokyo, kanë thënë se ishte shumë herët për të nxjerrë përfundime mbi ndikimin e drejtpërdrejtë të Lojërave në përhapjen e virusit në qytet.

Por Wada dhe të tjerët kanë thënë se Lojërat kanë minuar mesazhet publike – me autoritetet që u bëjnë thirrje njerëzve të qëndrojnë në shtëpi për të shmangur kontaktin me të tjerët. Ndërsa atletët bërtisnin, përqafonin njëri-tjetrin gjatë garave.

Të dhënat shëndetësore të mbledhura gjatë dy javëve të Lojërave, përfshirë brenda fshatit të atletëve, do të analizohen dhe publikohen në vazhdimësi.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.