Blerim Latifi është i bindur se krejt çfarë po ndodhë në veri të Kosovës me barrikadat dhe revolta e shprehur atje nga serbët është një krizë artificiale e lidhur me planin franko-gjerman.
Filozofi dhe profesori universitar shkruan në llogarinë e tij në Facebook se nga sjellja e palëve në terren bëhet e qartë që Kosova pajtohet me këtë plan, derisa Serbia e ka refuzuar.
“Dje Borrelli tha se 27 vendet e BE-së janë pajtuar me planin. Kosova ka dhënë shenja të qarta se pajtohet me të. Serbia, ndërkaq, duket se e ka refuzuar. Që të shmangë presionin ndërkombëtar për shkak të refuzimit, Vuçiç-i ka nxitur rebelimin e serbëve në veri dhe ka nisur propagandën për rikthimin e ushtrisë serbe në Kosovë”, shkruan Latifi.
“Kjo është logjika e horrave në politikë: që të shmangin një problem, e krijojnë një tjetër; për t’i ikur një krize, e shpikin një krizë tjetër. Në këtë kontekst Kosova thjesht po përpiqet të mbrojë atë që thuhet në ligjin e saj themelor, në Kushtetutën e Republikës”.
Për Latifin, në këtë atmosferë krizash artificiale, edhe kryeministri i Kosovës, Albin Kurti, i ka gabimet e veta.
Madje, “disa”, thotë Latifi.
“Parasegjithash duke i shpërfillur këshillat amerikane, duke besuar se mund t’ia dalë i vetëm në vendosjen e rendit në veri dhe duke këmbëngulur në pikëpamjen e tij të vjetër se shkaku i problemit të veriut gjendet në Prishtinë”.
Por, me situatën e fundit, Latifi shpreson shumë se Kurti e ka marrë mësimin.
Ky është thelbi i krejt kësaj drame. Të tjerat janë kakofoni e transheve partiake dhe e platformave të mosdurimit personal”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama mbërrin në Athinë, shqiptarët grumbullohen masivisht në pritje të tij
-
Rama për Kathimerini: Asnjë mesazh për rastin Beleri, vizita në Athinë s’është ndërhyrje në zgjedhjet evropiane
-
Ndërsa Izraeli shton sulmet, 300 mijë palestinezë largohen nga Rafah
-
Jabllanoviç flet për Albanian Post rreth tentim vrasjes së vëllait të tij në Veri: Marko është i prirur të gënjejë shumë