Kryeministri i Kosovës, Albin Kurti, ka shprehur ngushëllime për vdekjen e meteorologut, Sylë Tahirsylaj, duke i kujtuar bisedat e gjata me të para dy vjetëve, në kullën e familjes Tahirsylaj, në fshatin Isniq.
Përmes një shkrimi të postuar, në rrjetin social, Facebook, Kurti ka theksuar kontributin e Sylës në fushën e meteorologjisë.
“Kontributi i tij në fushën e meteorologjisë në Kosovë dhe për Universitetin e Prishtinës si akademik, do të mbetet i paharrueshëm”, shkroi Kurti.
I pari i shtetit, deklaroi se ai do të kujtohet përherë për punën dhe dashamirësinë e tij.
Kurti ka shtuar se Tahirsylaj ishte “një shpirt luftarak, që i rezistoi kohës dhe na mbushte plot energji e pozitivitet”.
Para Kurtit, edhe kryetari i Kuvendit të Kosovës, Glauk Konjufca, ka shprehur ngushëllime për vdekjen e tij.
Tahirsylaj ka qenë profesor në Universitetin e Prishtinës, përkatësisht në Fakultetin e Bujqësisë dhe Veterinarisë, gjithashtu drejtor i Institutit Hidrometeorologjik të Kosovës (IHMK).
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Nis hetimi administrativ për skandalin e mjekëve të Onkologjikut, bën me dije Koçiu
-
Qeveria miraton rritjen e pagave të administratës, synohet mesatarja 105 mijë lekë
-
Rutte thotë fjalët e para si shefi i ri i NATO-s: Aleanca është dhe do të mbetet gur themeli i sigurisë sonë kolektive
-
Raportet e shefit të ri të NATO-s me Kosovën
