“Nëna Tereza me veprat e saj nuk mbushi boshllëk, por e ngriti kombin tonë, jo kur ai mungonte, por kur ai e meritonte”.
Kështu ka deklaruar Kryeministri i Kosovës, Albin Kurti, me rastin e 111 vjetorit të lindjes dhe në prag të pesë vjetorit të shenjtërimit të Nënës Terezë.
Kryeministri Kurti i cili vendosi lule pranë shtatores së saj në sheshin e Prishtinës gjatë fjalës së tij ka thënë se Nëna Tereza “arriti që ta kapërcejë pragun e tokës shqiptare dhe shkojë në botë të huaj, duke bartur me vete sistemin e vlerave të edukatës së familjes shqiptare, vlera këto që dukshëm dallonin nga sistemi i vlerave të tjerëve dhe që së shpejti u bënë si udhërrëfyes për të tjerët”.
Edhe Presidentja e Kosovës, Vjosa Osmani, gjatë ditës së enjte ka kujtuar humanisten e madhe shqiptare, Nëna Terezën në 111 vjetorin e lindjes së saj.
Ajo përmes një postimi në Facebook, mes tjerash ka shkruar se në këtë ditë kujtojmë me nderim simbolin e dashurisë dhe të paqes.
“Në ditëlindjen e 111-të të nënës sonë, Shën Terezës, kujtojmë përplot nderim simbolin e dashurisë dhe të paqes, e cila botës ia dhuroi vlerat e mira të saj e të popullit të saj shqiptar: dashurinë për njeriun, zemërgjerësinë dhe bashkëvuajtjen me më të dobëtit”.
Këtë vit nga 26 gushti deri me pesë shtator, në Shkup dhe Prishtinë do të mbahet manifestimi kulturor “Drita e Gonxhës”, gjatë së cilës do të zhvillohen aktivitete të ndryshme në nder të jetës dhe veprës së Nënë Terezës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vendimet e qeverisë, Kumbaro: Ndërhyrje në 4 ligje për mjedisin, rrisim me 30% masat ndëshkimore
-
SHBA-të akuzojnë Rusinë për përdorimin e agjentëve kimikë në Ukrainë
-
Hapet së shpejti në Gjirokastër filiali i Universitetit publik në distancë të Spanjës, njofton Manastirliu
-
Gazetarët në protestë para Kuvendit për lirinë e shtypit
Lajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Strategji kombëtare kundër emigracionit, Balla: Synojmë të frenojmë kërkesat për azil
-
Në ujërat greke, aty ku vendet evropiane mësojnë të luftojnë pa ndihmën amerikane
-
Gazetarët në protestë para Kuvendit për lirinë e shtypit