Kryeministri i Malit të Zi: Unë s’po e ruaj kolltukun e pushtetit, po ia kthej vullnetit të popullit
Kryeministri i Malit të Zi, Zdravko Krivokapiç, pas akuzave se “po ruan kollktuqet e pushtetit” duke mos lëshuar rrugë për qeverinë e minorancës, u përgjigj se “si mundet që dikush që dëshiron të rikthejë mandatin tek populli” të dëshirojë “të ruajë kolltukun e tij”.
Krivokapiç e ka kundërshtuar formimin e qeverisë së pakicës të propozuar nga Lëvizja Qytetare URA, dhe ka kërkuar që të shkurtohet mandati i qeverisë dhe të shkohet në zgjedhje të reja.
“Pikërisht për shkak të atyre kolltuqeve, disa po planifikojnë të bashkëpunojnë me DPS-në, derisa disa tjerë e kanë përmbysur këtë qeveri për shkak të po të njëjtave kolltuqe”, deklaroi Krivokapiç në llogarinë e tij në Twitter.
Kako mogu braniti fotelje oni koji traže nove izbore i mandat vraćaju narodu? Upravo zbog fotelja, neki planiraju saradnju sa DPS-om, dok drugi zbog istih fotelja, od samog početka ovu Vladu ruše.
— Zdravko Krivokapić (@profKrivokapic) January 23, 2022
Lëvizja Qytetare URA, në krye me Dritan Abazoviç, ka propozuar formimin e një qeverie të pakicës, propozim të cilën e ka mbështetur edhe Partia Demokratike e Socialistëve (DPS) që udhëhiqet nga Presidenti i Malit të Zi, Millo Gjukanoviç.
Forcat politike në Mal të Zi janë futur në një antagonizëm, mes atyre që duan të rikonfigurojnë ekzekutivin, si Abazoviç, dhe ata që duan zgjedhje të reja, pasi formimin e një qeverie të re pa zgjedhje të reja e quajnë anti-kushtetuese dhe pervertim të “vullnetit të popullit”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vuletiç: Politikanët në Serbi e dinë se s’ka më njerëz që luftojnë për Kosovën
-
Homazhi i zgjuar i Angelina Mango për Palestinën, një ‘minifitore’ më vete në Eurovision
-
“Do të jem presidente e të gjithëve”, betohet Gordana Silanovska-Davkova si presidente e Maqedonisë së Veriut
-
Takimi i Ramës me emigrantët shqiptarë në Athinë, Basha: Nacionalizmi shterpë