Kriza e Tigray-t të Etiopisë: Raporti thotë se mund të jenë kryer krime lufte

Të gjitha palët në konfliktin Tigray të Etiopisë, kanë shkelur të drejtat ndërkombëtare të njeriut, disa prej të cilave mund të përbëjnë krime kundër njerëzimit, thuhet në një raport të ri.

U dokumentuan ekzekutimet jashtëgjyqësore, torturat, përdhunimet, sulmet kundër refugjatëve dhe personave të zhvendosur, raporton BBC, transmeton Albanian Post.

Një hetim i përbashkët nga Komisioni Etiopian për të Drejtat e Njeriut (EHRC) dhe Zyra e OKB-së për të Drejtat e Njeriut, tha se mund të ketë gjithashtu prova të krimeve të luftës.

Lufta e cila shpërtheu më 4 nëntor 2020, filloi kur kryeministri etiopian Abiy urdhëroi një ofensivë kundër forcave rajonale, në rajonin verior të Tigray.

Forcat qeveritare fillimisht shpartalluan rebelët, por gjërat ndryshuan në qershor me luftëtarët tigraian që bënë fitime të rëndësishme territoriale. Ata tani thuhet se po i afrohen kryeqytetit, Addis Abeba.

Të martën, qeveria etiopiane shpalli gjendjen e jashtëzakonshme, disa orë pasi u kërkoi banorëve të kryeqytetit të armatoseshin.

“Ka arsye për të besuar se të gjitha palët në konflikt… ose sulmuan drejtpërdrejt civilët dhe objektet civile, si shtëpitë, shkollat, spitalet dhe vendet e adhurimit, ose kryen sulme pa dallim, që rezultojnë në viktima civile dhe shkatërrim ose dëmtim të objekte civile”, thuhet në raport.

Raporti detajon se si një grup rinor tigraian i njohur si Samri vrau më shumë se 200 civilë etnikë Amhara në Mai Kadra, në nëntor të vitit të kaluar. Vrasjet për hakmarrje u kryen më pas kundër tigrianëve etnikë në të njëjtin qytet.

Ushtria Eritreane i është bashkuar konfliktit duke luftuar përkrah forcave të qeverisë etiopiane. Ushtarët eritreanë vranë më shumë se 100 civilë në Aksum në qendër të Tigray më vonë në nëntor 2020, thuhet në raport.

“Mund të jenë kryer krime lufte, ka arsye për të besuar se personat që nuk marrin pjesë drejtpërdrejt në armiqësi janë vrarë me dashje nga palët në konflikt”.

Raporti gjithashtu thekson raste të dhunës seksuale duke përfshirë përdhunimin në grup të kryer nga të dyja palët dhe që synon gra, burra, vajza dhe djem.

Në një incident, një vajzë 19-vjeçare u ndalua dhe u përdhunua në mënyrë të përsëritur për tre muaj. Është raportuar edhe një rast i sulmit seksual me një grua me aftësi të kufizuara.

Sipas raportit dhuna seksuale është përdorur “për të degraduar dhe dehumanizuar viktimat”.

Organizatat i kërkuan qeverisë etiopiane që të kryejë “hetime të plota dhe efektive nga organe të pavarura dhe të paanshme mbi akuzat për shkelje dhe të mbajë përgjegjës përgjegjësit”.

Kryeministri Abiy tha se ai urdhëroi ofensivën ushtarake nëntorin e kaluar në përgjigje të një sulmi ndaj një baze ushtarake, që strehonte trupat qeveritare atje.

Përshkallëzimi erdhi pas disa muajsh mosmarrëveshjesh midis qeverisë së Abiy dhe udhëheqësve të TPLF, e cila ishte partia politike dominuese në Tigray.

Autoritetet më vonë e etiketuan TPLF-në, një organizatë terroriste dhe përjashtuan çdo bisedë paqeje me ta.

Ofensiva e përtërirë tokësore e qeverisë federale në javët e fundit, duke përfshirë përdorimin e sulmeve ajrore, nuk ka arritur të ndalojë fitimet territoriale të rebelëve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.