Pas deklaratës së ambasadorit të Shteteve të Bashkuara të Amerikës (SHBA), Jeffrey Hovenier, se çështja e dinarit ka ndikuar në partneritetin e SHBA-së me Kosovën, kryeministri Albin Kurti ka deklaruar se Kosova mbetet aleate e Amerikës.
Përmes një shkrimi në rrjetin social ‘X’, Kurti u deklaruar pas takimit me senatorët amerikanë.
“Kënaqësi të takohemi me senatorët amerikanë Shaheen, Ricketts, Van Hollen e Chris Murphy. Fola për nevojën e llogaridhënies nga Serbia pas sulmit terrorist në Banjskë, një shqetësim që është i përbashkët. Kosova mbetet përkrahëse e demokracisë dhe aleate e SHBA-së”, ka shkruar ai.
A pleasure to meet with 🇺🇲 @SenatorShaheen, @SenatorRicketts, @ChrisVanHollen & @ChrisMurphyCT. I spoke about the need for accountability from Serbia following the Banjska terrorist attack, a concern that is shared. Kosova remains a proponent of democracy & a U.S. ally. pic.twitter.com/IOneUjNy8l
— Albin Kurti (@albinkurti) February 16, 2024
Hovenier, shqetësimin e tij për partneritetin me Kosovën e ka shprehur përmes deklaratave të premten.
“O’Brien e bëri të qartë se nëse Qeveria e Kosovës nuk na konsideron partnere, as ne nuk do ta konsiderojmë të tillë”.
“Kam dëgjuar në intervista se kjo situatë nuk ka ndikuar në marrëdhëniet tona. Dua të jem i qartë, thjesht nuk është e vërtetë. Kjo situatë ka prekur partneritetin tonë. Çdo shpjegim tjetër është keqkuptim”, kishte deklaruar Hovenier.
Edhe Misioni i Shteteve të Bashkuara të Amerikës në Organizatën për Bashkëpunim dhe Siguri në Evropë (OSBE) e ka cilësuar si të njëanshme rregulloren e re të Bankës Qendrore të Kosovës për ndalimin e dinarit për shit-blerje dhe transaksione financiare në territorin e Kosovës.
Përveç se e njëanshme, sipas Misionit të SHBA-ve në OSBE, ky rregullore afekton edhe “forcimin e demokracisë, integrimin ekonomik në BE dhe nxitjen e bashkëpunimin dhe respektin multi-etnik”.
“I bëjmë thirrje Kosovës që të shtyjë menjëherë zbatimin e këtij vendimi dhe palët e përfshira të kërkojnë zgjidhje në kuadër të Dialogut të lehtësuar nga BE-ja”, thuhet në deklaratën e Misionit të SHBA-ve në OSBE.
Ky mision është shprehur i shqetësuar edhe me veprimet, sipas tyre, të pakoordinuara, të Qeverisë së Kosovës në raport me mbylljen e institucioneve paralele serbe në territorin e Kosovës.
Në adresimin e Misionit të SHBA-ve në OSBE është kritikuar edhe Serbia, meqë sipas tyre, Beogradi zyrtar ka dështuar në kërkimin e përgjegjësisë nga individët të cilët ishin të përfshirë në sulmin terrorist të 24 shtatorit në Banjë të Zveçanit.
Serbia, sipas Misionit të SHBA-ve në OSBE, duhet të mbajë përgjegjës autorët dhe organizatorët e sulmit të 24 shtatorit dhe të punojë KFOR-in për të siguruar që një sulm tjetër si ky të mos ndodhë më.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kosova shënoi regres për 19 vende në indeksin e “Reporterëve Pa Kufij” – Ambasada britanike: S’është koha për vetëkënaqësi
-
Policia e Kosovës: Gjendet i vdekur një person në Gjakovë – në Kaçanik dyshohet për dhunimin e një vajze
-
Indeksi i “Reporterëve Pa Kufij” – vlerësimi më negativ që i është bërë Kosovës në dekadën e fundit
-
Kosova shënon regres për 19 vende në indeksin e “Reporterëve Pa Kufij” – gazetarët vazhdojnë të jenë cak i sulmeve politike
Lajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Një darkë në Elysee për të bindur Scholz-in për Kinën
-
Kosova shënon regres për 19 vende në indeksin e “Reporterëve Pa Kufij” – gazetarët vazhdojnë të jenë cak i sulmeve politike