Është nënshkruar zyrtarisht lidhja e marrëdhënieve diplomatike në mes të Republikës së Kosovës dhe shtetit të Izraelit nëpërmjet një ceremonie virtuale.
Formalizimi i marrëdhënieve diplomatike në mes Kosovës dhe Izraelit është bërë nga Ministrja e Punëve të Jashtme dhe Diasporës të Republikës së Kosovës, Meliza Haradinaj-Stublla, dhe Ministri i Punëve të Jashtme të Izraelit, Gabriel Ashkenazi.
Haradinaj-Stublla tha se “sot kemi shkruar faqen e artë për njerëzit tanë”, duke vazhduar më pas falendërimin ndaj Shteteve të Bashkuara të Amerikës.
“E dashur SHBA, jemi përjetësisht falënderues për përkrahjen bipartizane që kemi marrë nga ju. Krijimi i kësaj marrëdhënie diplomatike sot nuk do të ishte e mundur pa bekimin dhe përkushtimin e juaj”.
Ministrja e Jashtme ka përmendur në shenjë falënderimi edhe ish-presidentin e SHBA-së, Donald Trump, ish-emisarin Special, Richard Grenell, Robert O’Breienin, Departamentin e Shtetit të SHBA-së.
Gjithashtu, Haradiaj-Stublla falënderoi “përkrahjen e administratës së re të SHBA-së për marrëveshjen e Washingtonit”.
Ndërsa, Ashkenazi ka thënë që Izraeli është i interesuar për paqe dhe stabilitet në Ballkan.
“Sot po bëjmë histori, sot po normalizojmë marrëdhëniet mes Izraelit dhe Kosovës, një moment që shumë e kanë pritur. Sot është mundësia jonë që të përmirësojmë marrëdhëniet tona me njerëzit e Kosovës”, tha Ashkenazi.
Pas kësaj, Ministri i Punëve të Jashtme të Izraelit, Gabriel Ashkenaz, ka shpalosur Pllakatin e Ambasadës së Republikës së Kosovës në Jerusalem.
Ashkenaz po ashtu uroi diplomaten kosovare Ines Demiri si ambasadoren e parë të Kosovës në Izrael.
Izraeli është shteti 117 që ka njohur pavarësinë e Kosovës
Njohja nga Izraeli vije si pasojë e nënshkrimit të marrëveshjes së 4 shtatorit ne Zyrën Ovale në Shtëpinë e Bardhë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më
-
Mehaj: Për 25 vite institucionet kanë bërë një punë modeste në argumentimin dhe ndriçimin e gjenocidit serb