Koreja e Veriut kthen mbrapsht afro 3 milionë vaksina anti-COVID

Koreja e Veriut ka kërkuar që, gati tre milionë vaksina kundër COVID-19 të ofruara për të, t’i jepen një vendi tjetër.

Ky është raportimi që vjen nga Organizata e Kombeve të Bashkuara (OBSH). Një zëdhënës theksoi se vendi kishte kërkuar që vaksinat të zhvendoseshin në vendet më të goditura nga pandemia, për shkak të mungesave globale të vaksinave.

Vaksinat “Sinovac”, të prodhuara nga Kina, u ofruan nën programin Covax, i cili synon t’i ndihmojë kombet më të varfra të marrin vaksina kundër coronavirus-it.

Mes të tjerash, ka raportuar se, që nga data 19 gusht, Koreja e Veriut nuk kishte regjistruar asnjë rast me COVID-19.

Rreth 37 mijë e 291 njerëz – përfshirë punonjësit e kujdesit shëndetësor dhe ata me sëmundje të ngjashme me gripin, ishin testuar dhe të gjithë kishin rezultuar negativë, ka theksuar OBSH në raportin e saj javor të situatës.

Gjithashtu, Koreja e Veriut ishte treguar e kujdesshme me periudhën e pandemisë, duke vendosur masa të rrepta antivirus.

Madje, ky vend ishte një nga të parët që mbylli kufijtë në janar të vitit të kaluar.

Kjo nuk është hera e parë që Koreja e Veriut refuzon vaksinat. Pasi edhe në korrik, ajo hodhi poshtë dërgesat e rreth dy milionë dozave të vaksinës “AstraZeneca”, duke përmendur shqetësimet për efektet anësore të mundshme, tha një qendër studimore e Koresë së Jugut e lidhur me shërbimin e inteligjencës të vendit.

Ministri i Jashtëm i Rusisë, Sergey Lavrov, u pati thënë gazetarëve në një deklaratë të dhënë në muajin korrik se kishte ofruar të furnizonte Korenë e Veriut me vaksinën e vet “Sputnik” në raste të shumta.

Koreja e Veriut ka shprehur disa dyshime mbi efikasitetin e vaksinimeve Covid-19, me mediat shtetërore që raportojnë shpesh për incidentet në SHBA dhe Evropë, ku individët kanë pasur reagime negative ndaj të shtënave.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.