Koordinatori amerikan Kundër Korrupsionit Global, Richard Nephew, ka mbërritur në Tiranë këtë të enjte të 20 qershorit.
Kështu ka bërë me dije ambasada amerikane në vend, e cila ka publikuar detaje nga takimi i mbajtur mes Nephew dhe të ngarkuarit me detyre, David Wisner.
Nephew po viziton Shqipërinë për të riafirmuar mbështetjen e Shteteve të Bashkuara për reformat në drejtësi, përpjekjet kundër korrupsionit dhe qeverisjen e mirë.
Gjatë qëndrimit në Shqipëri, ai do të takohet me drejtues të drejtësisë dhe shoqërisë civile shqiptare, si dhe me zyrtarë publikë.
Vizita e tij, do të nënvizojë angazhimin e vazhdueshëm të SHBA-ve për të luftuar korrupsionin në Ballkanin Perëndimor, për të forcuar sundimin e ligjit dhe për të adresuar sfidat e vazhdueshme të përbashkëta.
Më 16-17 qershor, Koordinatori Nephew vizitoi Podgoricën, Malin e Zi për t’u takuar me zyrtarë qeveritarë dhe përfaqësues të shoqërisë civile.
Atje theksoi se reformat kundër korrupsionit janë sfiduese, politikisht komplekse dhe të kushtueshme, por thelbësore për integrimin e Malit të Zi në BE.
Gjithashtu nënvizoi që si politikanët ashtu edhe qytetarët të qëndrojnë të paanshëm, duke i dhënë përparësi interesit publik dhe duke qëndruar të fokusuar në luftën kundër korrupsionit.
“U bëj thirrje politikanëve dhe qytetarëve të bashkohen në luftën kundër korrupsionit, të demonstrojnë një përkushtim për t’i dhënë përparësi interesit publik së bashku. Dhe u bëj thirrje liderëve politikë të qëndrojnë të fokusuar në ruajtjen e shtetit ligjor. Përcaktoni shpërqendrimet politike, qëndroni të paanshëm dhe vendosni një themel të fortë për prosperitetin e vendit”, tha ai.
Në datat 18-19 qershor, Nephew iu bashkua seancës plenares hapëse të Konferencës Ndërkombëtare Kundër Korrupsionit, si dhe sesioneve të tjera zyrtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Kushtetuese rrëzon ligjin për tatimin e profesioneve të lira
-
Skandali tek Onkologjiku, pezullohen nga detyra mjekët pas masave të Gjykatës
-
GJKKO dënon me 2 vite burg ish-kreun e Dhomës së Avokatisë së Korçës
-
Skandali tek Onkologjiku, Gjykata: Mjeku Edmond Gashi iku me vrap nga dera e gjyqtarëve
Lajmet kryesore
-
Ekskluzive: Albanian Post publikon sondazhin e fundit të realizuar në Kosovë – veç përqindjeve të partive, edhe shumë të dhëna të tjera
-
Kushtet e Kurtit për takim me Vuçiç-in: Thjesht blof, lojë me publikun
-
A mund të dërgojë vërtet Kim ushtarë të Koresë së Veriut për të ndihmuar rusët në Ukrainë?
-
Gjykata Kushtetuese rrëzon ligjin për tatimin e profesioneve të lira