Kolumbia legalizon abortin, aktivistët e cilësojnë fitore historike

Në Kolumbi është dekriminalizuar ligji mbi abortin në 24 javët e para të shtatzënisë.

Gjykata Kushtetuese e Amerikës së Jugut ka vendosur me një votim pesë me katër vota për dekriminalizimin e procedurës të hënën në mbrëmje.

Vendimi vjen pas një sërë diskutimesh në Meksikë dhe Argjentinë, që ulën kufizimet ndaj abortit.

Më parë, aborti në Kolumbi lejohej vetëm kur ekzistonte rrezik për jetën ose shëndetin e nënës shtatzënë, ekzistenca e keqformimeve fetale të rrezikshme për jetën, ose kur shtatzënia ishte rezultat i përdhunimit, incestit apo inseminimit artificial pa konsensus.

“Ne e festojmë këtë vendim si një fitore historike për lëvizjen e grave në Kolumbi, që kanë luftuar për dekada për njohjen e të drejtave të tyre”, deklaroi Erika Guevara-Rosas, drejtoresha e Amnesty International.

“Gratë, vajzat dhe personat që mund të lindin fëmijë janë të vetmit që duhet të marrin vendime për trupin e tyre”.

Guevara-Rosas shtoi se “tani, në vend që t’i ndëshkojnë ata, autoritetet kolumbiane do të duhet të njohin autonominë e tyre mbi trupat e tyre dhe planet e jetës së tyre”.

Ndërsa vendimi u dha, protestuesit në favor të aksesit ndaj abortit të veshur me të gjelbër, ngjyra e miratuar nga lëvizja pro-zgjedhjes, festuan përpara Gjykatës Kushtetuese të Kolumbisë në qendër të Bogota-s, kryeqyteti.

Protestuesit kundër abortit demonstruan gjithashtu kundër vendimit.

Grupet e të drejtave të abortit, të njohura kolektivisht si Vala e Gjelbër, paditën për heqjen e abortit nga kodi penal.

Lëvizja kishte parë Gjykatën Kushtetuese të mos vendoste për këtë çështje disa herë në dy vitet e fundit.

Grupet e të drejtave riprodhuese vlerësojnë se deri në 400 mijë aborte kryhen çdo vit në Kolumbi, me vetëm 10% të kryera legalisht.

Gjatë vitit 2020, të paktën 26 mijë e 223 aborte të pasigurta u kryen në të gjithë Kolumbinë, sipas Profamilia – ofrues lokal i kujdesit shëndetësor riprodhues.

Sipas Causa Justa, koalicion kolumbian për të drejtat e grave, të paktën 350 gra u dënuan ose u sanksionuan për abort midis 2006 dhe mesit të 2019-s, duke përfshirë të paktën 20 vajza nën moshën 18 vjeç.

Amerika Latine, rajon tradicionalisht konservator me një lob të fuqishëm të krishterë katolik dhe ungjillor, ka disa nga ligjet më kufizuese në botë për abortin, shpesh duke e ndaluar procedurën plotësisht.

Në El Salvador, dhjetëra gra janë burgosur për vrasje, pasi pësuan urgjenca obstetrike.

“Ne përshëndesim guximin ligjor dhe politik të Gjykatës Kushtetuese për të pranuar se gratë dhe vajzat nuk janë qytetarë të klasit të dytë”, tha Paula Avila-Guillen, avokate ndërkombëtare për të drejtat e njeriut dhe drejtoreshë ekzekutive e Qendrës së Barazisë së Grave, me qendër në New York.

“Në mbrojtjen kushtetuese të autonomisë sonë mbi trupat dhe jetët tona, gjykata po ndryshon jetën e miliona grave dhe vajzave të cenueshme të dëmtuara, në mënyrë disproporcionale nga kufizimet e abortit”.

Gjykata e Lartë e Meksikës dekriminalizoi abortin vitin e kaluar, ndërsa parlamentarët në Ekuador javën e kaluar lehtësuan rregulloret që lejojnë aksesin e abortit në rastet e përdhunimeve.

“Ndërsa sot ne po festojmë këtë vendim historik, Vala e Gjelbër është e fortë dhe në rritje. Lufta  për të drejtat riprodhuese dhe drejtësi nuk do të përfundojë derisa çdo person të ketë akses në kujdesin shëndetësor seksual dhe riprodhues të cilësisë së lartë kur dhe ku i nevojitet”, tha Eugenia Lopez Uribe, drejtoresha rajonale e Fondacionit Ndërkombëtar të Planifikuar të Prindërimit për Amerikën dhe rajonin e Karaibeve, në një deklaratë.

Marrë nga “The Guardian”, përshtatur për Albanian Post.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.