Një ndër shkaqet e përkeqësimit të shëndetit riprodhues tek njeriu janë substancat kimike. Ekspozimi ndaj tyre ndodh që gjatë qëndrimit në barkun e nënës e çdo ditë të jetës.
Kryesisht janë ftalatet, ato kimikate që klasifikohen si armiqtë kryesorë të riprodhimit.
Ftalatet janë lëngje lehtësisht të avullueshme që i shtohen plastikës polimer për të rritur lëvizshmërinë e tyre. Ato njihen gjithashtu si plastifikues ose zbutës.
Kjo do të thotë se janë pothuajse në gjithçka që na rrethon. Lista e produkteve që përmbajnë ftalate është vërtet e gjatë: kremra kozmetikë, shampo, ngjitës, ngjyra, pesticide, ushqime, çanta e sghum të tjera.
Ato u shtohen gjithashtu manikyrave për t’i mbajtur më të qëndrueshëm, parfumeve për t’i bërë më të qëndrueshëm, por edhe dorezave të furçave dhe mjeteve të tjera për t’i bërë më të forta.
Kur një person është shumë i ekspozuar ndaj ftalateve, kjo mund të çojë në ndryshime hormonale.
Një studim i fundit e lidhi ekspozimin ndaj këtij kimikati me vdekjen e parakohshme, veçanërisht për shkak të sëmundjeve të zemrës, të cilat janë lidhur në disa studime të tjera.
Edhe një çrregullim i vogël hormonal mund të ketë një efekt në sistemin riprodhues dhe imunitar. Meqenëse ato gjenden në kaq shumë produkte, shpesh është pothuajse e pamundur t’i shmangni ato, por ju mund të zvogëloni ekspozimin.
Shmangni ushqimet e përpunuara
Ushqimi është burimi i parë i ftalateve, sipas Qendrës për Parandalimin dhe Kontrollin e Sëmundjeve (CDC).
Edhe pse nuk duhet të shtohen fillimisht në ushqim, ato mund të vijnë nga plastika në të cilën është paketuar.
Ato gjenden në mish, peshk, vaj, ushqime të pjekura, formula për fëmijë, ushqime të përpunuara dhe të shpejta.
Ushqimi i përpunuar është në kontakt me plastikën pothuajse në çdo fazë, nga dorezat që mbajnë punëtorët deri te plastika me të cilën është mbështjellë.
Mos e paketoni ushqimin në enë plastike
Ndoshta ka ardhur koha të hiqni qafe të gjitha enët plastike që keni në shtëpi dhe të përdorni vetëm enë qelqi, qeramike ose druri. Por, edhe nëse vendosni të mbani disa enë plastike, mos i vendosni në mikrovalë apo pjatalarëse.
Kur blini produkte të kujdesit, kushtojini vëmendje asaj që shkruhet në etiketën ngjitëse
Ftalatet mund të gjenden gjithashtu në produktet e kujdesit dhe përdoren, për shembull, për të bërë një parfum të zgjasë më shumë, kështu që nëse produkti thotë “parfum” ose thjesht një aromë, mund të jetë përmbaj këtë lloj kimikati.
Për të blerë me siguri produkte pa to, sigurohuni që shamponi, kremrat ose parfumet të mos përmbajnë aroma sintetike.
Sigurisht që është më mirë të blini ato që janë pa suplemente. Disa prodhues kanë etiketa në paketim që thonë se nuk përmbajnë ftalate, kështu që ju mund t’i kërkoni ato.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ekspertët të shqetësuar për variantin e ri KP.2 të COVID në SHBA
-
Një mënyrë jetese e shëndetshme mund të kompensojë gjenetikën me 60% dhe t’i shtojë 5 vjet jetës, thotë studimi
-
Selena Gomez reflekton mbi shëndetin mendor, rëndësinë e tij dhe tejkalimin e sfidave
-
Sekretet për të pasur një super kujtesë në moshën 80-vjeçare