Gjykata e Lartë e Shqipërisë, të premten e 14 janarit, ka njoftuar çështjet që do të diskutohen në mbledhjen e parë të Këshillit të Emërimeve në Drejtësi (KED).
Sipas njoftimit, më 17 janar, do të jetë kostituimi i KED-së, me përbërjen e zgjedhur për të ushtruar funksionet dhe përgjegjësitë kushtetuese dhe ligjore për vitin 2022, e para në rendin e ditës.
Më pas do të diskutohet mbi çështje të mbështetjes së KED-së me mjete buxhetore, personel administrativ, ambiente dhe pajisje pune nga Gjykata e Lartë, për vitin 2022.
Çfarë është KED?
Këshilli për Emërimet në Drejtësi është një organ i ri kushtetues. Kolegjial, i cili është krijuar me hyrjen në fuqi të ndryshimeve në Kushtetutën e Republikës së Shqipërisë, të ndodhura me miratimin në vitin 2016 të paketës legjislative të reformës në drejtësi.
Ai përbëhet nga nëntë anëtarë të përzgjedhur me short. Ata e ushtrojnë detyrën me kohë të pjesshme, pa u shkëputur nga funksioni, të cilin e mbajnë në radhët e sistemit të drejtësisë.
Mbledhjet e tij kryhen sa herë të jetë e nevojshme. Kryesisht, institucioni siguron mbështetjen e nevojshme organizative, administrative apo financiare, për realizimin e funksioneve të KED-së.
Detyra kryesore e këtij organi, është kryerja e verifikimeve për kriteret profesionale dhe morale të kandidatëve për Inspektor të Lartë të Drejtësisë dhe kandidatëve për anëtarë të Gjykatës Kushtetuese.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Apeli i ‘shurdhët’ i Celibashit për mundësimin e votës së diasporës
-
Si ‘gangsterët’ ballkanikë u bënë furnizuesit kryesorë të kokainës në Evropë
-
Lirimi nga burgu i themeluesit të Agimit të Artë zemëron antifashistët grekë
-
Kosova tenton ta bindë BE-në për heqjen e masave ndëshkuese – nëpërmjet fotografive