![](https://albanianpost.com/wp-content/uploads/2022/04/Screenshot-2022-04-21-084357.png)
Më 20 prill, katër autobusë evakuimi mundën të largoheshin nga Mariupol-i përgjatë korridorit humanitar dhe më 21 prill evakuimi do të vazhdojë.
Lajmin e bëri të ditur Agjencia Franceze e Lajmeve, duke cituar deklaratën e ministres për Riintegrimin e Territoreve të Pushtuara përkohësisht të Ukrainës Iryna Vereshchuk.
“Katër autobusë evakuimi arritën të largohen nga qyteti përgjatë korridorit humanitar të djeshëm. Ata e kaluan natën në Berdyansk dhe tani po shkojnë në Vasylivka. Ne i presim së shpejti në Zaporizhia”, shkruan në Telegram zyrtarja ukrainase.
Ministrja shtoi se evakuimi i grave, fëmijëve dhe të moshuarve nga Mariupol do të vazhdojë edhe më 21 prill.
Vereshchuk paralajmëroi se situata e sigurisë është e vështirë, ndaj mund të ketë ndryshime. Ajo u bëri thirrje banorëve të ndjekin raportet zyrtare.
Mëngjesin e 20 prillit, zëvendëskryeministrja ukrainase njoftoi se një korridor humanitar nga Mariupol përmes Mangush-it dhe Berdyansk-ut në Zaporizhia për gratë me fëmijë dhe të moshuarit do të hapej pasdite.
Por, në mbrëmje Vereshchuk deklaroi se korridori humanitar nga Mariupol-i nuk funksionoi siç ishte planifikuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Raporti i UNESCO-s për Butrintin, reagon MEKI: Objektiv dhe korrekt, parku do të menaxhohet si një i tërë
-
Kurti uron Berset: Kosova thellësisht e përkushtuar për vlerat themelore të Këshillit të Evropës
-
Plani i Trump për paqen në Ukrainë: Nuk ka ndihma amerikane nëse Kievi nuk ulet për të negociuar
-
Bajrami thotë se raporti që iu dërgua BE-së për Banjën është “faktik” dhe “bindës”