Justin Bieber ka ndarë një video pak ditë më parë, ku kishte shpjeguar një gjendje të rrallë mjekësore që ka rezultuar në paralizën e njërës anë të fytyrës.
Të martën, këngëtari i hitit “Ymmy” postoj një deklaratë në llogarinë e tij të Instagramit në lidhje me rikuperimin e tij të vazhdueshëm nga sindroma “Ramsay Hunt”.
“Doja të ndaja pak se si ndihesha. Çdo ditë është bërë më e mirë dhe gjatë gjithë shqetësimit kam gjetur ngushëllim tek ai që më ka projektuar dhe që më njeh”, ka shkruar ai.
Bieber i cili ka qenë i hapur edhe në të kaluarën për besimin e tij të krishter tha se “ai më njeh mua të gjithin”.
“Ai i njeh pjesët më të errëta të mia të cilat unë dua që askush të mos i dijë dhe vazhdimisht më mirëpret në krahët e tij të dashur”, vazhdon deklarata. “Kjo perspektivë më ka dhënë paqe gjatë kësaj stuhie të tmerrshme që po përballem”.
Ai e përfundoi deklaratën e tij duke shkruar: “e di që kjo stuhi do të kalojë, Jezusi është me mua”.
Në videon që postoi javën e kaluar, tregoi se si njëra anë e fytyrës së tij nuk mund të lëvizte si rezultat i sindromës dhe shpjegoi se diagnoza ishte arsyeja pse ai anuloi disa koncerte dhe planifikon të bëjë një pushim nga turneu derisa të rikuperohet.
Në videon e gjatë tre minutëshe ai përpiqet të buzëqeshë, të pulsojë dhe të lëvizë fytyrën, por njëra pjesë e fytyrës së tij nuk reagonte. Ai tha se ka bërë ushtrime të fytyrës për t’u rikuperuar.
Justin Bieber via Instagram: "IMPORTANT PLEASE WATCH. I love you guys and keep me in your prayers"
— Justice Tour Updates (@JusticeTourNews) June 10, 2022
Sindroma e rrallë neurologjike, “Ramsay Hunt”, shkaktohet nga i njëjti virus që shkakton linë e dhenve dhe herpesin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“The Veil”, sjellë Elisabeth Moss-in duke lundruar nëpër ujërat e spiunazhit
-
Billie Eilish njofton turneun e radhës nga albumi i ardhshëm “Hit Me Hard and Soft”
-
Koncerti i Quavos “pa publik” ndez teorinë e egër konspirative të Chris Brown-it
-
“The Tortured Poets Department” i Taylor Swift-it zë vendin e parë me shitjet e saj më të mira në karrierë në javën e parë
Lajmet kryesore
-
E enjtja e interpelancave – Opozita kërkon sqarime nga dy ministra
-
Puna e detyruar, çfarë parashikon projektligji i ri për studentët e mjekësisë
-
Pekini forcon kontrollin ndaj gjigantëve kinezë të mediave sociale
-
Biserko: Shpresoj që Kosova të bëhet anëtare e KiE-së, do ishte pozitive edhe për komunitetin serb