Kuvendi i Kosovës, të enjten, ka zgjedhur Jeton Bytyçin gjyqtar në Gjykatën Kushtetuese të Kosovës.
Nga 96 deputetë sa morën pjesë në votim, 69 prej tyre votuan pro emërimit të Bytyçit si gjyqtar në Gjykatën Kushtetuese.
Kundër kandidati i Bytyçit në anën tjetër mori vetëm 19 vota.
Ndërsa tetë vota janë shpallur si të pavlefshme.
Pas votimit në Kuvendin e Kosovës, emri i tij do t’i propozohet presidentes së Kosovës, Vjosa Osmanit, për dekretim.
Ndryshe Dardan Vuniqi, profesor në Fakultetin Juridik në Universitetin e Prizrenit “Ukshin Hoti”, është zgjedhur nga Kuvendi i Kosovës të mërkurën, anëtar i Këshillit Prokurorial të Kosovës (KPK), nga radhët e fakulteteve juridike.
Në votim morën pjesë 90 deputetë, ku prej tyre kandidati Vuniqi mori 49 vota, ndërsa kandidatja tjetër, Emine Abdyli – Pozhari nga Universiteti i Prishtinës “Hasan Prishtina” arriti t’i marrë 36 vota, kurse pesë vota u shpallën të pavlefshme.
KPK kishte mbetur pa tani ish-anëtarin joprokuror Agron Beka, për shkak se i njëjti ishte shkarkuar nga Kuvendi i Kosovës, më 15 dhjetor 2023.
Për shkarkimin e tij, kishin votuar 62 deputetë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rishfaqet qyteti shekullor teksa diga e Filipineve thahet gjatë valës së të nxehtit
-
Të ardhurat e Apple bien më pak nga sa pritej, pavarësisht fillimit të vështirë të vitit
-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
