Kryetari i Gjykatës Supreme, Enver Peci ka dhënë dorëheqje pasi i njëjti është propozuar për dekretim tek presidentja e Kosovës, Vjosa Osmani për gjyqtar në Gjykatën Kushtetuese.
Në këtë takim, KGJK njoftoi se ka miratuar dorëheqjen e kryetarit të Supremes, raporton “Betimi për Drejtësi”.
Kurse, mbledhja është duke vazhduar me diskutimin për zgjedhjen e ushtruesit të detyrës së Gjyaktës Supreme.
Kuvendi i Kosovës i ka propozuar presidentes së vendit, Vjosa Osmani, emërimin e Enver Pecit si gjyqtar i Gjykatës Kushtetuese.
Pas votimit të fshehtë, ku morën pjesë 87 deputetë, Peci kishte marrë 66 vota, të cilat janë të mjaftueshme për zgjedhjen e tij, ndërsa të pavlefshme kanë qenë tri fletëvotime.
Më 24 nëntor të 2022, katër kandidatët për gjyqtarë në Kushtetuese nuk kanë marr votat e mjaftueshme për t’u propozuar për emërim te Presidentja
Katër kandidatët për gjykatës në Gjykatën Kushtetuese, Valon Hasani, Bardh Bokshi, Dukagjin Abdyli dhe Flamur Mrasori, nuk kanë marrë votat e duhura për t’u propozuar për emërim tek presidentja Vjosa Osmani.
Në raundin e parë të votimit, Enver Peci ka marrë 66 vota, të cilat ishin të mjaftueshme për t’iu propozuar presidentes së vendit, Vjosa Osmani, për emërimin si gjyqtar i Gjykatës Kushtetuese.
Në raundin e dytë të votimit të fshehtë, ishin eliminuar nga gara Valon Hasani dhe Flamur Mrasori.
Ndërsa, në raundin e tretë janë votuar kandidatët Bardh Bokshi dhe Dukagjin Abdyli , të cilët nuk arritën të merrnin numrin e mjaftueshëm të votave, sikurse në dy raundet e para.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
14 ditët e fundit të regjistrimit të popullsisë – 1 milionë qytetarë u regjistruan
-
Ekspertët të shqetësuar për variantin e ri KP.2 të COVID në SHBA
-
Franca vlerëson se 150 mijë ushtarë rusë janë vrarë në luftën në Ukrainë
-
NYPD nxjerr shifrat e arrestimeve, mes pretendimit të “agjitatorit të jashtëm” në protestën e Columbia-s për Gazën
