Italia shpall listën provizore për Euro 2024, surpriza nga Spalletti

1055 ditë pas triumfit në “Wembley”, një aventurë e re evropiane fillon për Kombëtaren italiane, e cila do të mblidhet në Qendrën Teknike Federale në Coverciano të premten më 31 maj për të filluar përgatitjet për UEFA Euro 2024.

Trajneri Luciano Spalletti ka thirrur 30 lojtarë për t’u testuar para se lista të zvogëlohet në 23-26 futbollistë përfundimtarë.

Më 4 dhe 9 qershor luhen dy miqësoret e fundit me Turqinë dhe Bosnjën, teksa më 6 qershor Spalletti do të publikojë listën e lojtarëve që do të marrin pjesë në Europian.

Lista e plotë e Italisë për Euro 2024:

Portierë: Gianluigi Donnarumma (Paris Saint Germain), Alex Meret (Napoli), Ivan Provedel (Lazio), Guglielmo Vicario (Tottenham);

Mbrojtës: Francesco Acerbi (Inter), Alessandro Bastoni (Inter), Raoul Bellanova (Torino), Alessandro Buongiorno (Torino), Riccardo Calafiori (Bologna), Andrea Cambiaso (Juventus), Matteo Darmian (Inter), Giovanni Di Lorenzo (Napoli) , Federico Dimarco (Inter), Gianluca Mancini (Roma), Giorgio Scalvini (Atalanta);

Mesfushorët: Nicolo Barella (Inter), Bryan Cristante (Roma), Nicolo Fagioli (Juventus), Michael Folorunsho (Hellas Verona), Davide Frattesi (Inter), Jorginho (Arsenal), Lorenzo Pellegrini (Roma), Samuele Ricci (Torino);

Sulmues: Federico Chiesa (Juventus), Stephan El Shaarawy (Roma), Riccardo Orsolini (Bologna), Giacomo Raspadori (Napoli), Mateo Retegui (Genoa), Gianluca Scamacca (Atalanta), Mattia Zaccagni (Lazio).

Edicioni i 17-të i Kampionatit Evropian do të nisë të premten më 14 qershor në Mynih (ndeshja hapëse Gjermani-Skoci).

Gjermania do të presë turneun kontinental për herë të dytë, 36 vjet pas të parit në 1988, por më pas vetëm në Gjermaninë Perëndimore, e cila dy vjet më vonë do të ribashkohej me atë të Lindjes.

Turneu do të zgjasë 31 ditë: nga 14 qershor deri më 14 korrik (finalja në Berlin).

Italia është vendosur në grupin B, me Spanjën, Kroacinë dhe Shqipërinë. “Azzurrët” do të debutojnë të shtunën më 15 qershor në Dortmund kundër Shqipërisë, të enjten më 20 në Gelsenkirchen do të përballen me Spanjën dhe të hënën më 24 qershor në Leipzig do të përballen me Kroacinë.

Dy më të mirat e klasifikuara dhe katër skuadrat më të mira të renditura të treta nga gjashtë grupet do të kualifikohen në fazën e 16-të.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.