Ish-gjenerali i NATO-s: Është në interesin e SHBA-ve që të përfundojë shpejt luftën me fitoren e Ukrainës
Ish-sekretari i përgjithshëm i NATO-s dhe ish-kryeministri i Danimarkës Anders Fogh Rasmussen u bën thirrje Shteteve të Bashkuara të mos hezitojnë të ndihmojnë Ukrainën.
Kjo, në masën që do ta lejojë atë të fitojë dhe të sigurojë një paqe të qëndrueshme – me arsyetimin se është në interes të vetë autoriteteve amerikane.
Ai i paraqet argumentet e tij në një koment për “Foreign Policy”.
Rasmussen vuri në dukje se sulmi i Federatës Ruse ndaj Ukrainës i bëri çështjet e mbrojtjes relevante për qeveritë e vendeve evropiane dhe shtyu Finlandën dhe Suedinë të anëtarësohen në NATO.
“Lufta tregoi se Washingtoni mbetet garantuesi kryesor i sigurisë në Evropë. Ajo demonstroi gjithashtu nevojën që bota demokratike të bashkohet përballë kërcënimit të shteteve autokratike që sillen gjithnjë e më agresivisht”, shkruan ish-Sekretari i Përgjithshëm.
Ai theksoi se fokusi kryesor strategjik për SHBA-të është rajoni i Paqësorit dhe konkurrenca me Kinën, por do të jetë shumë më e vështirë për t’u marrë me këto çështje nëse, në të njëjtën kohë, forcat dhe vëmendja e Washington-it janë të lidhura në një luftë të zgjatur në Evropë.
“Mënyra më e mirë për të shmangur këtë kurth është t’u japësh ukrainasve gjithçka që u nevojitet për të fituar këtë luftë. Pas kësaj, Perëndimi duhet të sigurohet që Rusia të mos dëshirojë të sulmojë përsëri Ukrainën”, argumenton Rasmussen.
Sipas tij, SHBA-të dhe aleatët e saj duhet të ofrojnë gjithçka që i nevojitet Ukrainës për të mbrojtur pavarësinë e saj në një plan afatgjatë.
“Nëse Perëndimi nuk e bën këtë, udhëheqësi i Federatës Ruse, Vladimir Putin, nuk do të ndalet në Ukrainë”, garanton ish-Sekretari i Përgjithshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kristi Noem, zëvendësja e mundshme e Trump: Kam vrarë qenin tim, e urreva, ishte i padisiplinuar
-
Maqedonci takon homologun hungarez, flasin për sulmin në Veri dhe sigurinë në Ballkan
-
Nga Suedia në Mbretërinë e Bashkuar, një valë arrestimesh zbulon praninë e një rrjeti spiunësh kinezë në Evropë
-
Sadaf Baghbani: Kam 150 fishekë në trup, mendova se askush nuk do të më dojë më