Eder Militao po zhvillon ndeshjet më të mira, që nga koha e mbërritjes në Madrid. Braziliani ka përfituar nga dëmtimi i Sergio Ramos-it dhe ka luajtur më shumë minuta me Real Madrid-in.
Militao ishte ndër lojtarët më të mirë në fushë, në përballjen me Chelsea-n në Ligën e Kampionëve, e cila u mbyll në barazim 1-1.
23-vjeçari ka rilindur tashmë dhe do të jetë interesante për t’u parë kur të kthehet Ramos-i, se cili do të jetë në formacionin e parë.
Në ndeshjen e kthimit kundër Chelsea-s, kapiteni pritet të rikthehet në fushë, por nëse disa kohë më parë dukej e pamundur që Militao të luante përpara Ramos-it, tanimë kjo mund të jetë ngjarje e vërtetë.
Në total, këtë sezon Militao është paraqitur 15 herë me fanellën e Real-it, duke shënuar një gol dhe gjithashtu ka dhuruar një asist.
Pesë ndeshjet e fundit të Real-it në La Liga, ai ka luajtur nga 90 minuta të plota dhe skuadra ia ka dalë të marrë tri fitore dhe dy barazime. Vlen të theksohet fakti se në këto pesë ndeshje, Real-i ka pësuar vetëm një gol dhe ka shënuar shtatë të tillë.
Në Ligën e Kampionëve ka luajtur nga 90 minuta të plota në tri përballjet e fundit. Përkatësisht, dy kundër Liverpool-it dhe një ndaj Chelsea-t.
Sofascore i jep vlerësim mbi notën 7 për tetë ndeshjet e fundit brazilianit. Madje, në përballjen me Chelsea-n, Miliato është vlerësuar me notën 8. Vetëm Christian Pulisiç-i u vlerësua më lartë, me notën 8.2.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Asnjë gol në Grupin C: Anglia, Danimarka dhe Sllovenia kualifikohen, Serbia jashtë Euro 2024
-
Spektakël në Grupin D: Austria del e para, Franca e dyta, Holanda e treta
-
Euro 2024: Katër ndeshje të rezervuara, luhet gjithçka në grupin C dhe D
-
Grupi i ‘vdekjes’, që bëri Kombëtaren të frymojë – Shqipëria e të ardhmes është gati sot
Lajmet kryesore
-
Zbardhen bisedat e skemës abuzive te Onkologjiku: Mjekët dërgonin pacientët te privati, ilaçet për tumorin i çonin nëpër farmaci
-
BSH: Investimet e huaja në pasuri të paluajtshme rritje me 71%
-
Presidenti kenian zotohet të rivendosë rendin pas protestave vdekjeprurëse për rritjen e taksave
-
Kurti, delegacionit gjerman: Hulumtoni mundësitë dhe përparësitë që i ofron Kosova për investitorët e huaj