Hoti takohet me Joseph: Në Kosovë s’ka vend për një Qeveri që sanksionohet nga aleatët euro-atlantik
Ish-kryeministri i Kosovës njëherësh deputeti i Lidhjes Demokratike e Kosovës, Avdullah Hoti të mërkurën është takuar me profesorin amerikan në Universitetin Johns Hopkins, Edward P. Joseph për të cilën ka thënë se ka perspektiv interesante për zhvillimet aktuale në rajon.
Hoti përmes një shkrimi në rrjetin social ‘Facebook’ potencoi se i ka dhënë vlerësimin e tij se Kosova ka vetëm një rrugë.
“Takim dhe bisedë shumë miqësore dhe informuese me Edward P. Joseph nga SHBA, analist me përvojë të gjatë i politikës së jashtme dhe ekspert me përvojë për Ballkan. Perspektiva e tij për zhvillimet aktuale në rajon është interesante”.
“Për dallim nga Serbia, Kosova nuk ka rrugë tjetër përveç integrimit euro-atlantik dhe as nuk dëshiron të ndjekë rrugë tjetër”, ka shkruar ai.
Ndërsa, konsideron që Kosova nuk duhet të udhëhiqet nga një Qeveri që sanksionohet nga aleatët.
“Në Kosovë nuk ka vend për një Qeveri që sanksionohet nga aleatët euro-atlantik, ngase Kosova ka relacione ekzistenciale me perëndimin, e jo vetëm diplomatike”.
Tutje Hoti ka thënë se Kosova gjithmonë ka qenë në bashkëpunim me aleatët për hapat që janë të domosdoshëm.
“Kosova gjithmonë ka zhvilluar dialog dhe është dakorduar me aleatët për hapat e nevojshëm, gjithmonë në funksion të integrimit euro-atlantik”.
Sipas ish-kryeministrit, “Kosova ka bërë progres në të kaluarën vetëm për shkak se ka bërë politikë të mençur e të koordinuar me aleatët”.
Në një intervistë ish-zëvendësshefi i misionit të OSBE-së në Kosovë, Edward Joseph, kishte deklaruar se Shtetet e Bashkuara të Amerikës (SHBA), janë duke gabuar që po e vendosin fajin tek Kosova sa i përket situatës në Veri.
Sipas tij, kryeministri i Kosovës Albin Kurti, e ka njëfarë faji, por të përbashkët me presidentin e Serbisë, Aleksandër Vuçiç.
Ndër të të tjera ka potencuar se, “SHBA-ja është duke e tepruar në qasje ndaj Vuçiç-it”, pas sulmeve ndaj ushtarëve të KFOR-it në Veri që ai i konsideron fyerje ndaj misionit.
Joseph: SHBA-ja dhe BE-ja duhet të zgjohen ta trajtojnë çështjen e Kosovës në mënyrë strategjike
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Aktivistja saudite dënohet me 11 vjet burg për ‘mbështetje’ të të drejtave të grave
-
Sekretet për të pasur një super kujtesë në moshën 80-vjeçare
-
Biserko: Shpresoj që Kosova të bëhet anëtare e KiE-së, do ishte pozitive edhe për komunitetin serb
-
Kampet pro-palestineze, Policia arreston qindra studentë të universiteteve amerikane
Lajmet kryesore
-
8 orët e ankthit të Erion Veliajt në SPAK
-
Amnistia Penale, PD kërkesë për interpelancë urgjente me ministrin e Drejtësisë
-
Kampet pro-palestineze, Policia arreston qindra studentë të universiteteve amerikane
-
Sela për Taravarin: Nga politika po largohet jo si një politikan në shërbim të kauzës shqiptare, por si shërbyes deri në frymën e fundit të kauzës së Micksoki-t