Një zjarr shkatërroi pothuajse tërësisht banesat për refugjatët nga Ukraina në komunën gjermane Gross-Strömkendorf në shtetin Mecklenburg-Vorpommern.
Lajmi u bë i ditur nga gazeta gjermane “Spiegel”.
“Në këtë kohë, të 14 banorët mundën të largoheshin nga ambientet të padëmtuara. Të tre punonjësit janë gjithashtu mirë”, tha një përfaqësues i qarkut Northwest Mecklenburg.
Sipas policisë, zjarri i ndodhur mbrëmjen e së enjtes me gjasë është zjarrvënie.
Më herët të mërkurën, policia vizitoi një rezidencë – një hotel – për shkak të mbishkrimeve me një svastika në tabelën e hyrjes.
“Bazuar në përvojën time shumëvjeçare si zjarrfikës, aktualisht supozoj se zjarri është ndezur qëllimisht”, tha një përfaqësues i autoriteteve lokale.
Banorët e pallatit janë transferuar në një godinë tjetër menjëherë pas zjarrit, tha sekretari i shtypit të qarkut.
Pothuajse 120 shërbime të urgjencës dhe rreth 20 ambulanca ishin në vendngjarje.
Në momentin e mbërritjes së zjarrfikësve, punonjësit e hotelit dhe disa kalimtarë po përpiqeshin të shuanin zjarrin me aparate zjarri. E gjithë çatia me kashtë u dogj.
“Më është shembur çatia para syve. Vetëm muret e jashtme janë ende në këmbë”, tha përfaqësuesi i qarkut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com