Haxhiu pret një delegacion nga Komisioni i Venecias, diskutojnë për Byronë për konfiskimin e pasurisë
Tema e Byrosë Shtetërore për Verifikimin dhe Konfiskimin e Pasurisë së Pajustifikueshme në Kosovë, ishte kryefjala e takimit në mes të një delegacioni nga Komisioni i Venecias dhe Ministres së Drejtësisë, Albulena Haxhiu, këtë të mërkurë.
“Qëllimi i takimit ishte diskutimi i Projektligjit për Themelimin e Byrosë Shtetërore për Verifikimin dhe Konfiskimin e Pasurisë së Pajustifikueshme, në prag të përgatitjes së Opinionit për këtë Projektligj”, njofton Ministria e Drejtësisë.
Më tej njoftimi i Ministrisë bënë të ditur se, Haxhiu, ka njoftuar delegacionin e Komisionit të Venecias për qëllimin e Projektligjit dhe ka argumentuar në secilën çështje që është adresuar nga ta.
“Ministrja Haxhiu falënderoi delegacionin e Komisionit të Venecias për ndihmën profesionale që po i ofrojnë Republikës së Kosovës përmes opinioneve. Konsultimet me Komisionin e Venecias janë tejet të vlefshme dhe si të tilla do të vazhdojnë edhe në të ardhmen”.
Muaj më parë Albanian Post, pati trajtuar temën e Byrosë për konfiskimin e pasurisë, me njohësit e çështjeve ligjore. Të cilët kishin argumentuar se Byroja në fjalë mund të shndërrohet në një organ politik, pasi sipas tyre zgjedhja e drejtorit të këtij institucioni do të bëhet me shumicë të thjeshtë të votave në Kuvend, e si rrjedhojë një gjë e tillë shkakton një nivel të ulët të objektivitetit.
Ndryshe, Qeveria e Kosovës, më 29 dhjetor të vitit të kaluar ka arritur ta miratoi Projektligjin për Byronë shtetërore për verifikimin dhe konfiskimin e pasurisë së pajustifikueshme, e cila të mërkurën e dy shkurtit me 7 vota pro dhe 2 abstenim kaloi edhe në Komisionin për Legjislacion.
Për Ministren e Drejtësisë, Albulena Haxhiu, Byroja në fjalë do të jetë në funksion dhe konsolidimit të shtetit.
“Ky projektligj ka për qëllim se në rast se Byroja vlerëson qe dikush ka pasuri e cila është e pajustifikueshme kërkon nga ai zyrtar, arsyetimin e parasë. Një nga debatet e shumta që është bërë në këtë drejtim ka qenë që kinse Byroja do ta konfiskojë pasurinë, por kjo nuk është e vërtetë, këtë e bën Gjykata Themelore në Prishtinë”, kishte deklaruar Haxhiu në Komisionin për Legjislacion.
Haxhiu, madje është zotuar se projektligji e përpiluar do të pamundësojë ndikimin e politikës në këtë institucion.
“Ky institucion nuk ka kompetenca hetuese por verifikuese. Ne frikën nuk mundem me ja heq askujt, por të punojmë së bashku që të bëjmë ligjin e mirë”, kishte shtuar ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vizita e Xi Jinping, Escobar: I shërben rritjes së tensioneve mes Serbisë dhe Perëndimit
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
KMDLNJ: MD-ja po e dezinformon publikun për marrëveshjen me Danimarkën – është kriminale dhe raciste
-
Prokuroria kërkon 15 vjet burg, për autorin e vrasjes së 7-vjeçares me skaf në Himarë
Lajmet kryesore
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin