Barcelona ka humbur ndeshjen e javës së 33 në La Liga përballë Granada-s në “Camp Nou”. Katalanasit nuk arritën të përfitonin për të marrë vendin e parë në La Liga.
Në një ndeshje që fliste totalisht për Barcelona-n, statistikat në fund të ndeshjes, mbeten thjesht statistika, pasi tri pikëshin e mori Granada.
Barcelona në pjesën e parë arriti të qarkullonte topin 79% në pjesën e parë dhe 84% në pjesën e dytë. Në total, 16 gjuajtje lëshoi Barcelona në drejtim të portës së Granada-s. Ndërsa, miqtë gjujtën pesë herë në portën e mbrojtur nga Marc-Andre ter Stegen.
Pjesa e parë nuk nisi shumë mire për vendasit, pasi trajneri Ronald Koeman-i u largua nga loja me karton të kuq pas protestave. Por, pas kartonin të kuq të Koeman-it, Lionel Messi shënoi golin e parë të takimit, në të 23 minutë, pas asistit nga Antoine Griezmann-in.
Pjesa e parë përfundoi me rezultatin 1-0 për vendasit. Pjesa e dytë, solli ndryshim të fytyrës për Granada-n. Miqtë shënuan dy gola, që përmbysën rezultatin. Fillimisht ndeshja u barazua nga Darwin Machis-i në të 63 minutë dhe Jorge Molina shënoi për 1-2 në të 79 minutë.
Me fitoren e arritur, Granada ngjitet në vendin e tetë me 45 pikë. Barcelona qëndron në vendin e tretë me 71 pikë. Pas 33 javësh, La Liga është në një garë të plotë midis katër ekipeve të para.
Kur kanë ngelur edhe pesë ndeshje, nga përfundimi i këtij sezoni, Atletico Madrid-i qëndron në krye të La Ligës me 73 pikë, ndiqet nga Real Madrid-i dhe Barcelona me nga 71 pikë dhe Sevilla renditet në vendin e katërt me 70 pikë.
Pesë ndeshjet e Atletico Madrid-it:
Elche – Atletico Madrid
Barcelona – Atletico Madrid
Atletico Madrid – Real Sociedad
Atlettico Madrid – Osasuna
Real Valladolid – Atletico Madrid
Pesë ndeshjet e Real Madrid-it:
Real Madrid – Osasuna
Real Madrid – Sevilla
Granada – Real Madrid
Athletic Bilbao – Real Madrid
Real Madrid – Villarreal
Pesë ndeshjet e Barcelona-s:
Valencia – Barcelona
Barcelona – Atletico Madrid
Levante – Barcelona
Barcelona – Celta Vigo
Eibar – Barcelona
Pesë ndeshjet e Sevilla-s:
Sevilla – Athletic Bilbao
Real Madrid – Sevilla
Sevilla- Valencia
Villarreal – Sevilla
Sevilla – Deportivo Alaves
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit