Grabitje në shtëpinë e Verratti-t, hajdutët marrin sende me vlerë dhe para në shifrën marramendëse
Shtëpia e pushimit e Marco Verratti-t në Ibiza është grabitur në orët e para të mëngjesit të të dielës.
Godina është në pronësi të legjendës braziliane Ronaldo.
Mesfushori italian është duke kaluar pushimet e verës në pronën e ish-sulmuesit. Verratti nuk ndodhej në shtëpi në momentin që ka ndodhur grabitja.
Sipas mediave vendase, grabitësit kanë arritur të marrin para dhe bizhuteri në shifrën e 3 milionë eurove.
Zona ku gjendet shtëpia, në jug të Ibizës është mjaft e njohur dhe e frekuentuar nga persona të rëndësishëm.
Në atë vend ka pushuar edhe Princi i Anglisë, William.
Spanja ka qenë një nga destinacionet më të preferuara të yjeve të futbollit për të kaluar verën. Cristiano Ronaldo dhe Lionel Messi po pushojnë aty.
Megjithatë, një vend jo shumë i sigurt për sa u përket grabitjeve.
Pak ditë më parë, ylli i Leipzig-ut dhe Kombëtares së Spanjës, Dani Olmo, u sulmua, teksa grabitësit i morën një orë të markës “Rolex” me vlerë rreth 30 mijë euro.
Ish-futbollistit të Skocisë, Willie Donachie, iu vodh një orë “Rolex” pasi u grabit gjatë pushimeve në Ibiza.
Legjenda 70-vjeçar i Manchester City-t u rrëzua në tokë nga dy burra të cilët i hoqën orën nga kyçi i dorës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE