Gjykata e Apelit në Bukuresht rrëzon vendimin për sekuestrimin e pasurive të Andrew Tate

Gjykata e Apelit në Bukuresht ka rrëzuar një vendim për sekuestrimin e pasurive të Andrew Tate.

Kështu ka bërë me dije një përfaqësues i tij në një deklaratë të dërguar përmes platformës WhatsApp.

Tate u padit në qershor së bashku me vëllain e tij Tristan dhe dy femra të dyshuara rumune për trafikim njerëzor, përdhunim dhe formim të një bande kriminale për shfrytëzim seksual të grave, akuza që ata i kanë mohuar.

Në dhjetor u vendos që Andrew dhe Tristan Tate nuk kishin më kufizime për lëvizjen e tyre brenda Rumanisë.

Kështu vendosi një Gjykatë rumune, e cila po shqyrton akuzat ndaj dy vëllezërve dhe dy javë më parë kishte vendosur një lehtësim të masave kufizuese ndaj tyre.

Tate u padit në qershor së bashku me vëllain e tij Tristanin dhe dy femra të dyshuara rumune, për trafikim njerëzor, përdhunim dhe formim të një bande kriminale për shfrytëzim seksual të grave, akuza që ata i kanë mohuar.

Në gusht, vëllezërit Tate u liruan nga arresti shtëpiak, por iu kërkua të qëndrimi në kryeqytetin rumun Bukuresht.

Gjykata gjithsesi nuk ka vendosur ende për një kërkesë të veçantë nga vëllezërit, që pasuritë si makinat dhe bizhuteritë që u janë konfiskuar t’u kthehen, tha një zëdhënës.

Prokurorët thonë se vëllezërit Tate, të cilët kanë shtetësi të dyfishtë amerikane dhe britanike, joshën shtatë gra për të bërë pornografi duke u shtirur se ishin në një lidhje me to.

Avokatët e dëshmitarëve dhe viktimave të supozuara të Tate thonë se ata po ngacmohen dhe frikësohen në një përpjekje për t’i mbyllur gojën. Përfaqësuesit e Tate e mohojnë këtë.

Andrew Tate është bërë i njohur në mesin e shumë të rinjve duke projektuar një imazh ultra-macho të përqendruar rreth makinave të shpejta, grave të bukura dhe parave.

Ndërsa Tate, një mizogjen i vetëshpallur, thotë se përmbajtja e tij në internet synon të ndihmojë të rinjtë të përmirësojnë veten e tyre, kritikët thonë se ai denigron gratë dhe inkurajon audiencën e tij të mbajë pikëpamje seksiste.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.