Nora Gjakova ka fituar medaljen e argjendtë në Grand Slam-in e xhudos, që po mbahet në Abu Dhabi të Emirateve të Bashkuara Arabe.
Kampionia olimpike, pas katër fitoreve, u ndal në finale nga koreania, Mimi Huh, në kategorinë -57 kg.
Nora i është rikthyer garave pas 15 muajsh, dhe rikthimi në podium vlerësohet sukses i madh, marrë parasysh që rrugëtimin e saj drejt Lojërave Olimpike Paris 2024 e nisi edhe me arkëtimin e 700 pikëve olimpike.
Gjakova në gjysmëfinale mposhti xhudisten gjeorgjiane, Eteri Liparteliani.
Ndërsa në çerekfinalje, ajo fitoi kundër xhudistes serbe, Marica Perisic, pasi kjo e fundit mori tri penalizime.
Në raundin e parë, Gjakova mundi xhudisten nga Koreja e Jugut, Yuna Shin, ndërsa në raundin e dytë eliminoi holandezen, Pleuni Cornelisse.
Kujtojmë që Kosova po përfaqësohet nga tre xhudiste në turneun e Abu Dhabit. Përveç Gjakovës do të jetë Laura Fazliu dhe Lorina Kuka.
Fazliu garon në peshën -63 kilogramë dhe ndeshet të shtunën. Ndërsa, Kuka do të garojë në peshën -78 kilogramë dhe do të ndeshet të dielën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
