Gërvalla: I mbështesim plotësisht veprimet e partnerëve ndërkombëtarë kundër grupit të armatosur Huth
Pasi që rebelët jemenas Huthi janë zotuar për hakmarrje të ashpër pasi Shtetet e Bashkuara dhe Britania sulmuan ata nga ajri dhe deti, ministrja e Punëve të Jashtme dhe Diasporës, Donika Gërvalla ka deklaruar se i mbështesin plotësisht veprimet e partnerëve ndërkombëtar.
Përmes një komunikate për media është thënë se vetëm së bashku mund të krijojmë një botë të qëndrueshme.
“Armiqtë e paqes, stabilitetit, sigurisë, demokracisë, rendit botëror dhe civilizimit janë armiq të të gjithëve. Vetëm së bashku mund të arrijmë që t’i mundim e të krijojmë një botë të qëndrueshme, e cila prioritet ka paqen, bashkëjetesën, tolerancën dhe përparimin në një botë, gjithnjë e më të globalizuar”, ka shkruar Gërvalla.
Ndërsa, në komunikatën e lëshuar nga MPJD-ja është thënë se veprimet e grupit Huthi po pengojnë edhe qarkullimin e lirë të tregtisë dhe mallrave.
“Republika e Kosovës mbështet plotësisht veprimet proporcionale ushtarake të partnerëve tanë ndërkombëtarë kundër grupimit të armatosur Huth, i cili përveç që po kërcënon stabilitetin në Lindje të Mesme përmes sulmeve kundër anijeve komerciale, po pengojnë seriozisht edhe qarkullimin e lirë të tregtisë dhe mallrave, gjë që rrjedhimisht po krijon pasoja negative për ekonominë dhe fushat e tjera”.
Ndërsa, sa i përket veprimet të SHBA-së kanë theksuar se synimi është që ruhet rendi ndërkombëtar.
“Veprimet ushtarake të partnerëve tanë, të drejtuara nga Shtetet e Bashkuara të Amerikës në Lindjen e Mesme, kanë synim ruajtjen e rendit ndërkombëtar të bazuar në rregulla dhe këto veprime rezultuan të domosdoshme pas shtimit të sulmeve kundër paqes dhe stabilitetit”.
“Republika e Kosovës, si një vend thellësisht demokratik, rreshtohet qartë në krahë të partnerëve të saj strategjik në përpjekjet e përbashkëta për ruajtjen e paqes dhe sigurisë në botë”.
Në Sada, që është bastion i rebelëve Huthi në veriperëndim të Jemenit, qindra njerëz u mblodhën të premten. Turma thërriste disa herë sloganin Huthi: “Zoti është më i madhi; vdekje për Amerikën; vdekje Izraelit; mallkoni hebrenjtë; fitore Islamit”.
Huthit e Jemenit, të lidhur me Iranin, po luajnë një rol përshkallëzues në konfliktin në Lindjen e Mesme, duke sulmuar anijet në Detin e Kuq, duke gjuajtur raketa e duke kryer sulme me dronë ndaj Izraelit, në një fushatë që ata thonë se synon të mbështesë palestinezët në luftën në Gazë.
Roli i rebelëve Huthi ka shtuar rreziqet rajonale të konfliktit, duke vënë në rrezik linjat detare përmes së cilave transportohet shumica e naftës së botës dhe ka rritur shqetësimet në mesin e shteteve në Detin e Kuq, përderisa raketat dhe dronët e rebelëve Huthi fluturojnë drejt Izraelit.
Sekretari amerikan i Mbrojtjes, Lloyd Austin, kishte njoftuar më 19 dhjetor për krijimin e një operacioni shumëkombësh për të mbrojtur tregtinë në Detin e Kuq në përgjigje të sulmeve të rebelëve Huthi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Indeksi i “Reporterëve Pa Kufij” – vlerësimi më negativ që i është bërë Kosovës në dekadën e fundit
-
Cameron premton 3 miliardë paund në vit ndihmë për Ukrainën “për aq kohë sa është e nevojshme”
-
Një darkë në Elysee për të bindur Scholz-in për Kinën
-
Kosova shënon regres për 19 vende në indeksin e “Reporterëve Pa Kufij” – gazetarët vazhdojnë të jenë cak i sulmeve politike
Lajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Një darkë në Elysee për të bindur Scholz-in për Kinën
-
Kosova shënon regres për 19 vende në indeksin e “Reporterëve Pa Kufij” – gazetarët vazhdojnë të jenë cak i sulmeve politike