Ganiu ua kujton kritikëve në Maqedoninë e Veriut se Demaçi ishte fitues i çmimit “Saharov” për paqe
Kryetari i Komunës së Çairit, Visar Ganiu, në një prononcim për Radio Televizionin e Kosovës, ka thënë se pakënaqësitë e presidentit të Maqedonisë së Veriut, Stevo Pendarovski, lidhur me mënyrën e riemërtimit të një rruge në Shkup që tash mban emrin e veprimtarit Adem Demaçi, janë të pakuptimta dhe të pabaza.
Ai ka theksuar se riemërtimi i kësaj rruge i përmbushë të gjitha rregullat ligjore dhe mbi të gjitha është vendosur me shumicë votash në Kuvendin Komunal të Çairit, ndërsa ka shtuar se emri i ri rrugës tashmë figuron në gazetën zyrtare dhe në platformën e hartave të gjigantit amerikan të teknologjisë “Google”.
Pendarovski, nëpërmjet një postimi në llogarinë e tij në “Facebook”, ka thënë se riemërtimi i rrugës “Adem Demaçi” në Komunën e Çairit është në kundërshtim me parimin e debatit demokratik dhe respektimit të trashëgimisë historike të Maqedonisë së Veriut, por kryetari Ganiu ka nënvizuar se kjo është bërë konform ligjeve.
Ndër të tjera, ai ka kujtuar se veprimtari i çështjes kombëtare, Adem Demaçi, i cili vuajti 28 vjet burg politik në ish-Jugosllavi, kishte qenë fitues i Çmimit Saharov (1991) – nderimi më i lartë që Bashkimi Evropian ua bënë personaliteteve botërore për lirinë e mendimit dhe përpjekjeve siperane për të drejtat e njeriut dhe paqen në botë.
“Çuditë fakti që pothuajse të gjitha partitë kanë reaguar për emërimin e asaj rruge. Pretendojmë që jemi rrugës për Evropë dhe duhet t’i përmbushim të gjitha standardet evropiane. E në anën tjetër, harrojmë se Parlamenti Evropian vetë Adem Demaçit i ka dhënë çmimin Saharov për paqe”, ka nënvizuar Ganiu.
E në përurimin e kësaj rruge në Komunën e Çairit të banuar me shumicë shqiptare në Maqedoninë e Veriut, i pranishëm ishte edhe kryeministri i Kosovës, Albin Kurti, prezenca e të cilit nxiti reagime të shumta jo vetëm në Kosovë, por edhe në rajon dhe ishte konsideruar si përpjekje për të përçarë faktorin shqiptar atje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vranë të birin me sende të forta dhe e paraqitën si aksident, Prokuroria e Korçës çon për gjykim të moshuarit
-
Sulmi terrorist i Banjës mund të përsëritet, thotë Quni
-
“Merano Festival”, Denaj: 40 kantina vere nga hapësira shqiptare
-
Jabllanoviç flet për Albanian Post rreth tentim vrasjes së vëllait të tij në Veri: Marko është i prirur të gënjejë shumë
Lajmet kryesore
-
Rama mbërrin në Athinë, shqiptarët grumbullohen masivisht në pritje të tij
-
Rama për Kathimerini: Asnjë mesazh për rastin Beleri, vizita në Athinë s’është ndërhyrje në zgjedhjet evropiane
-
Ndërsa Izraeli shton sulmet, 300 mijë palestinezë largohen nga Rafah
-
Jabllanoviç flet për Albanian Post rreth tentim vrasjes së vëllait të tij në Veri: Marko është i prirur të gënjejë shumë