Galeria holandeze apelon për kthimin e pikturës së vjedhur të Frans Hals

Drejtori i përgjithshëm i Rijksmuseum në Amsterdam ka bërë apel për kthimin e një pikture të vjedhur të Frans Hals.

E gjitha kjo teksa përgatitet të hapë një ekspozitë të madhe kushtuar mjeshtrit holandez pa veprën artistike “të mahnitshme” prej 15 milionë euro.

Ndryshe nga një pikturë e Van Gogh që besohet se është marrë nga e njëjta bandë dhe është gjetur vitin e kaluar, piktura e Hals duket të jetë zhdukur në botën e krimit.

Taco Dibbits ka thënë se piktura ishte veçanërisht e pazakontë për shkak të përbërjes së saj dhe ka drejtuar thirrje për kthimin e saj.

“Kjo është një pikturë e mahnitshme”, ka ravijëzuar Dibbits.

Shfaqja, e cila hapet për publikun të premten, përmban 50 vepra të mjeshtrit të shekullit të XVII-të.

Ekziston gjithashtu një ekspozitë e zgjeruar në Muzeun Frans Hals në Haarlem aty pranë, ku artisti i lindur në Antwerp jetoi dhe punoi.

Ndërsa ekspozita e Rijksmuseum bazohet në një shfaqje të fundit në Galerinë Kombëtare në Londër që më pas do të udhëtojë në Berlin, ajo gjithashtu ka vepra unike.

“Frans Hals është një nga piktorët më të mëdhenj të shekullit të XVII-të, një nga ata piktorë që kap me të vërtetë njerëzit e qeshur, atë lëvizje të shpejtë, me penela të shpejta dhe energji të madhe”, ka thënë Dibbits.

“Frans Hals shpiku pikturën moderne”, ka dalluar ai.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.