Pas skandalit të publikuar nga Britney Spears, babai i saj ka mohuar akuzat që këngëtarja ka bërë të atit.
Ai pretendon se nuk ka qenë i përfshirë në kujdestarinë e të bijës dy vitet e fundit.
Jamie ka cilësuar si fajtore për gjithçka pasardhësen e tij, Jodi Montgomery, e cila është avokate e Britney-t, duke deklaruar se i është ndaluar që të komunikojë me të bijën për një periudhë të gjatë kohore.
Ai pretendon se avokatja e artistes është përfshirë në kufizimin e të drejtës së saj për të marrë vendimet mjekësore, sepse përgjegjësitë i kanë kaluar asaj.
Gjithashtu një tjetër dokument ligjor i paraqitur në emër të Jamie Spears thotë se ai dëshiron që të fillojë një hetim për pretendimet e vajzës së tij në lidhje me kujdestarinë.
Britney Spears tronditi me rrëfimin para gjykatës për kujdestarinë e babait të saj. Ajo tregoi se i është nënshtruar vlerësimeve të shumta psikike, ilaçeve dhe se është traumatizuar nga i ati.
Këngëtarja deklaroi se nuk ka folur publikisht në lidhje me këtë çështje, sepse mendonte se askush nuk do e besonte, teksa zbuloi se nuk mund të mbetet shtatzënë për shkak të rregullave ligjore, që u vendosën në fuqi në 2008, sepse kujdestarët e saj nuk aprovojnë heqjen e kontrollit të lindjes. Ajo zbuloi se ka pirë litium, një ilaç që pihet për çrregullimin bipolar, kundër dëshirës së saj dhe se kjo e ka bërë të ndihet e dehur dhe të paaftë për të biseduar.
Rikujtojmë se, së fundmigjykata ka mohuar kërkesën e Britney-t për të hequr kujdestarinë e të atit.
Gjykatësja Brenda Penny, që kryeson çështjen përpara Gjykatës Supreme të Los Angeles-it, nënshkroi një vendim të ri, i cili vazhdon t’i japë babait të këngëtares Jamie Spears kontrollin mbi jetën e saj.
Ndërkohë kanë qenë të shumtë ata që kanë mbështetur këngëtaren gjatë kësaj periudhe të vështirë, duke filluar që nga ish-i dashuri i saj Justin Timberlake, mikesha e saj, këngëtarja Christina Aguilera, si dhe i dashuri i saj aktual, 27-vjeçari Sam Asghari.
Vetë motra e Britney Spears ka reaguar në një seri videosh në “Instastory”, ku shfaqet e pikëlluar dhe ka treguar se e ka suportuar gjithmonë motrën e saj, edhe pse jo publikisht.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Selena Gomez reflekton mbi shëndetin mendor, rëndësinë e tij dhe tejkalimin e sfidave
-
Kontrata e parë e punës e Princeshës Diana mbi të cilën ajo gënjeu për moshën e saj, shitet për mbi 10 mijë dollarë në ankand
-
Sekretet për të pasur një super kujtesë në moshën 80-vjeçare
-
Cardi B dhe Offset shihen sërish bashkë – a janë pajtuar ata?
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit